जोधपूर: राजस्थानच्या जोधपूरमध्ये थरारक घटना घडली आहे. छापेमारी करण्यासाठी गेलेल्या पोलिसांना पाहून पळालेल्या गुंडांचा १२ किलोमीटरपर्यंत पाठलाग करण्यात आला. त्यानंतर गुंडांनी पोलिसांवर गोळीबार केला. प्रत्युत्तरादाखल केलेल्या कारवाईत पोलिसांनी दोन गुंडांना पकडले असून, तिसरा आरोपी फरार झाला.

पोलीस आयुक्तालयाच्या हद्दीत गुंडांनी हैदोस घातला आहे. सर्वसामान्यांमध्ये प्रचंड दहशत आहे. जोधपूरच्या सरदारपुरा पोलीस ठाण्याच्या हद्दीत अशीच एक घटना घडली आहे. अंमली पदार्थांची तस्करी करणाऱ्या गुंडांनी छापेमारी करणाऱ्या पोलिसांवरच गोळीबार केला. पोलिसांनीही जोरदार प्रत्युत्तर दिले. पोलिसांनीही गोळीबार केला. त्यानंतर दोन गुंडांना पकडले. तर तिसरा आरोपी फरार झाला. सरदारपुरा पोलीस ठाण्याचे प्रमुख लिखमाराम यांनी सांगितले, की, मसुरिया परिसरात कारमधून जाणाऱ्या तीन जणांकडे शस्त्रसाठा असल्याची माहिती खबऱ्यांमार्फत मिळाली. मिळालेल्या माहितीनुसार पोलीस घटनास्थळी पोहोचले. त्यांना पाहून गुंड तेथून पळू लागले. पोलिसांनी पाठलाग केला. जवळपास १२ किलोमीटरपर्यंत पोलिसांनी पाठलाग केला. आरोपींना घेरण्याचा प्रयत्न केला. त्याचवेळी गुंडांनी पोलिसांवर गोळीबार केला. पोलिसांनीही गोळीबार केला. चकमक बराच वेळ सुरू होती. त्यानंतर दोन गुंडांना पकडले. तर तिसरा गुंड पसार झाला.

पोलिसांनी कुख्यात तस्कर रामनिवास जालेली याच्यासह बावरलातील रहिवासी सुनील याला अटक केली आहे. जालेली याच्यावर अनेक गुन्हे दाखल आहेत. या प्रकरणी पोलीस अधिक तपास करत आहेत. अंमली पदार्थांच्या तस्करीबरोबरच शस्त्रांस्त्रांची तस्करीही केली जात असल्याचा संशय पोलिसांना आहे. या दोघांच्या चौकशीतून अनेक गुन्ह्यांची उकल होण्याची शक्यता पोलिसांनी व्यक्त केली आहे.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. Hi there, after reading this amazing paragraph i am as well delighted to share my knowledge here with friends.

LEAVE A REPLY

Please enter your comment!
Please enter your name here