सांगलीः रयत क्रांती संघटनेचे अध्यक्ष आणि माजी कृषी राज्यमंत्री यांना करोनाची लागण झाली आहे. इस्लामपूरमधील घरीच त्यांनी सेल्फ क्वारंटाइन केलंय. त्यांच्यावर घरीच उपचार करण्यात येण्याची शक्यता आहे.

शिवसेनेचे कोल्हापूरचे खासदार प्राध्यापक संजय मंडलिक यांनाही करोनाची लागण झाली आहे. त्यांच्यासह त्यांची पत्नी आणि मुलाचाही करोना अहवाल पॉझिटिव्ह आला आहे. जिल्ह्यातील तीन आमदारांच्या पाठोपाठ खासदारही बाधित झाल्यामुळे चिंता वाढली आहे.

शिवसेनेचे कोल्हापूरचे खासदार प्राध्यापक संजय मंडलिक यांच्यापाठोपाठ शिर्डीचे शिवसेनेचे खासदार सदाशिव लोखंडे यांच्यासह त्यांची पत्नी व मुलालाही करोनाची लागण झाली आहे. त्यामुळे त्यांना उपचारासाठी मुंबईला आणण्यात येत आहे.

करोना रुग्णांच्या उपचारासाठी जिल्ह्यात १५८३ खाटांची व्यवस्था

दरम्यान, करोनाबाधित रुग्णांच्या उपचारासाठी सांगली जिल्ह्यात सरकारी रुग्णालयांबरोबरच खासगी रुग्णालयेही अधिग्रहित केली आहेत. सद्य:स्थितीत जिल्ह्यातील विविध सरकारी व खाजगी रुग्णालयांमध्ये रुग्णांच्या उपचारासाठी ३९८ आयसीयू खाटा, तर ११८५ वॉर्ड खाटा अशा एकूण १ हजार ५८३ खाटांची सुविधा उपलब्ध करण्यात आली आहे, अशी माहिती जिल्हाधिकारी डॉ. अभिजीत चौधरी यांनी दिली. रुग्णांना वेळेत उपचार मिळावेत यासाठी सर्व रुग्णालयांमधील उपलब्ध खाटांची माहिती ॲपद्वारे लोकांपर्यंत पोहोचवली आहे. यामुळे रुग्णालयांना उपचारात टाळाटाळ करता येत नाही. रुग्णांच्या नातेवाईकांकडून आलेल्या तक्रारींनुसार उपचारात हलगर्जीपणा करणाऱ्या रुग्णालयांवर कारवाई करण्यात आली आहे. नर्सिंग स्टाफसह काही रुग्णालयांवर मेस्माअंतर्गत गुन्हे दाखल केले आहेत. यामुळे वेळेत आणि दर्जेदार उपचार मिळत आहेत. या सुविधांमुळे जिल्ह्यातील मृत्यू दर कमी करण्यास मोठी मदत होणार असल्याचा विश्वास जिल्हाधिकारी डॉ. चौधरी यांनी व्यक्त केला.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

LEAVE A REPLY

Please enter your comment!
Please enter your name here