नवी मुंबई: रायगडच्या खालापूर तालुक्यातील इर्शाळवाडी गावावर दरड कोळलेल्या ढिगाऱ्यात अडकलेल्या जखमींपैकी दोन जखमींना कामोठे एम जी एम रुग्णालयात दाखल करण्यात आले आहे. या जखमी रुग्णांची नावे प्रवीण डावरे, यशवंत पारधी असे असून दोघांवरती उपचार सुरू असून त्यांना वाचवण्यासाठी त्यांच्या नातेवाईकांची धडपड सुरू होती. परशुराम निर्गुड यांच्या मामाचे कुटुंब ढिगाऱ्याखाली गेले, तर सुरेश भस्मा याचे सासरे सासू आणि इतर व्यक्ती ढिगाऱ्याखाली सापडले होते.

रात्रीच्यावेळी दरड कोसळल्याची घटना घडताच सुरेश भस्मा हे घटनास्थळी दाखल झाले होते. फोनवरून दरड कोसळल्याची घटना समजली होती. इर्शाळवाडी येथे जाण्यासाठी पाऊल वाट असून जागेवर पोहचायला पायी दीड ते दोन तास लागले. मात्र पोहचल्यावर ‘वाचवा वाचवा’ असा आवाज येताच सोबत असलेल्या पाच ते सहा मित्रांसोबत अनेकांना वाचवण्याचा प्रयत्न केला. त्यात सुरेश भस्मा आणि परशुराम निर्गुड याचे मामा आणि सासरेदेखील होते. त्यांना रात्री दोन ते तीनच्या सुमारास बाहेर काढले. मात्र, कुटुंबातील २० पेक्षा जास्त व्यक्ती कुठे आहेत, कशा आहेत, याबाबत काहीही माहिती नसल्याचे नातेवाईकांनी सांगितले.

आम्हाला थोडं तरी वर जाऊ द्या साहेब! गावकऱ्याच्या तोंडून शब्द फुटेना; मुख्यमंत्र्यांकडून धीर

गावाला पाऊसाचा धोका आहे याबाबत कुठलीही कल्पना देण्यात आली नव्हती. असे घडेल असेही आमच्या कुटुंबाला माहिती नव्हते. मुख्यमंत्र्यांनी ५ लाखांची मदत दिली असली तरी ते आमच्या काय कामाचे ,शेवटी आमची माणसं महत्वाची आहेत, अशी भावना सुरेश भस्मा यांनी व्यक्त केली. मोबाईलवर संदेश आला तो पाहताच क्षणी नातेवाईकांचे पाय घटनास्थळाच्या दिशेने धावले. मात्र नातेवाईकांना वाचवता आले नाही. नातेवाईकांना वाचवण्यासाठी रात्रीच्या साडेदहा वाजल्यापासून सुरेश भस्मा यांची धडपड सुरू होती. मात्र, त्यांना फक्त तीन व्यक्तींनाच वाचवण्यात यश आले.

इर्शाळवाडी येथील दुर्घटनेत आतापर्यंत नऊ जणांचा मृत्यू झाल्याची माहिती आहे. अनेकजणांना मातीच्या ढिगाऱ्याखालून बाहेर काढण्यात यश मिळाले आहे. या घटनेनंतर इर्शाळवाडी येथे तात्पुरता पोलीस कंट्रोल रुम स्थापन करण्यात आला आहे. मातीच्या ढिगाऱ्याखाली गाडले गेलेल्या नागरिकांच्या नातेवाईकांना येथून आवश्यक ती माहिती पुरवली जात आहे.

सगळंच संपलं! तब्बल ५० घरं ढिगाऱ्याखाली १० फूट गाडली गेली; तरुणांनी सांगितली आँखोदेखी

अजित पवारांचा वाढदिवस साजरा न करण्याचा निर्णय

रायगड जिल्ह्यातील इर्शालवाडी येथे घरांवर दरड कोसळून झालेल्या दुर्घटनेबद्दल उपमुख्यमंत्री अजित पवार यांनी तीव्र दु:ख व्यक्त केले असून यावर्षी वाढदिवस साजरा न करण्याचा निर्णय घेतला आहे. उपमुख्यमंत्री अजित पवार यांचा २२ जुलै रोजी वाढदिवस असून राज्यभरातील त्यांचे चाहते, कार्यकर्ते, हितचिंतक दरवर्षी मोठ्या प्रमाणावर हा वाढदिवस साजरा करतात. इर्शालवाडी दुर्घटनेच्या पार्श्वभूमीवर कुणीही आपला वाढदिवस साजरा करु नये. पुष्पगुच्छ, होर्डींग, जाहिरातींवर खर्च न करता तो निधी इर्शालवाडी गावाच्या पुनर्उभारणी आणि ग्रामस्थांच्या मदतीसाठी उपयोगात आणावा, असे आवाहन उपमुख्यमंत्री अजित पवार यांनी केले आहे.

धाय मोकलून रडणाऱ्या नातेवाईकांना धीर, अंबादास दानवे इर्शाळवाडीतील दुर्घटनास्थळी

LEAVE A REPLY

Please enter your comment!
Please enter your name here