नांदेड कृषी उत्पन्न बाजार समितीत मराठवाड्यातील लातूर, हिंगोली, संभाजीनगर, यवतमाळ, धाराशिव या भागातूनही हळद उत्पादक आपला माल विक्रीसाठी नांदेड येथील बाजारपेठेत आणतात. बाजार समितीत नेहमी दहा ते बारा हजारे हळदीचे कट्टे दाखल होतात. त्यांची एकाच दिवशी मोजणीही करण्यात येते. मे महिन्यात नांदेड कृषी उत्पन्न बाजार समितीत हळदीची आवक मोठ्या प्रमाणावर वाढली होती. एकाच दिवशी २० हजारच्या जवळपास हळदीचे कट्टे दाखल झाले होते. मोजणीसाठी तब्बल दोन दिवस लागले होते. बाजार समितीच्या इतिहासात असे पहिल्यांदाच घडल्याचे सांगण्यात आले होते. त्यावेळी हळदीला प्रति क्विंटल ८ हजार १०० रुपये तर, सरासरी सहा हजार ७०० ते सहा हजार ८०० रूपये आहे. इतका मिळाला होता.
अवकाळी पावसाने चांगल्या प्रतिचा मालाचे प्रमाण कमी होते. पेरणीला पैसे लागणार असल्याने बहुतांश शेतक-यांनी याच वेळी हळद विकून टाकली होती. आता मात्र शिल्लक राहिलेल्या शेतकऱ्यांनी बाजार समितीत हळद विक्रीसाठी आणत आहेत. दररोज तीन हजार कट्टे हळद विक्रीसाठी येतं असल्याची माहिती व्यापाऱ्यांनी दिली.
धक्कादायक… राहत्या घरात सापडले ४ मृतदेह, खून की आत्महत्या? सातारा हादरलं
हळदीच्या दरात चढ उतार
जून मध्ये हळदीच्या दरात चढ उतार पाहण्यास मिळाला. ८ ते ९ हजार रुपये कमाल दर मिळत होता. ११ जुलै रोजी कमाल १४ हजार १०० रूपये प्रति क्विंटलाला दर मिळाला. हच पुढे ११ हजारापर्यंत ही गेला होता. १९ जुलै रोजी दराने पुन्हा उसळी घेतली असून कमाल दर १४ हजार, किमान ९ हजार ३०० व सरासरी १० हजार ९०० रूपये प्रति क्विंटलाला दर मिळाला.
पाच वर्षात पहिल्यांदा १४ हजार भाव हळदीला
नांदेड जिल्ह्यातील अर्धापूर, मुखेड, मुदखेड किनवट, माहूर, नायगाव, आदी तालुक्यांमध्ये मोठ्या प्रमाणात हळदीची लागवड केली जाते. प्रत्येक वर्षी हळदीला दहा हजाराच्या आतच भाव मिळाला आहे परंतु पाच वर्षात पहिल्यांदाच नांदेडमध्ये हळदीला १४ हजार रुपये प्रति क्विंटलाचा दर मिळाला आहे. मात्र शेतकऱ्यांकडे हळदच शिल्लक नसल्याने याचा फायदा व्यापाऱ्यांनाच अधिक होणार असल्याचे सांगण्यात येत आहे.Stock Market Update: शेअर मार्केटचा ब्लॅक फ्रायडे, Infosys गुंतवणूकदार होरपळले! बाजारात काय घडलं?
हिंगोलीला १९ हजाराचा भाव
शेजारील हिंगोली जिल्ह्यात हळदीला १९ हजार रूपये प्रति क्विंटलाला भाव मिळाला आहे. त्यामुळे ज्यांच्याकडे हळद शिल्लक आहेत ते प्राधान्याने हिंगोली जिल्ह्यात हळद विक्रीसाठी घेऊन जात आहेत. हिंगोली, वसमत येथे सर्वाधिक हळद उत्पादक आहेत. त्यातच परभणी जिल्ह्यातील काही भागात हळदीची लागवड केली जाते. या शेतकऱ्यांनाही हिंगोली जिल्हा जवळचा आहे. त्यामुळे हिंगोलीतही हळदीची आवक वाढल्याचे चित्र आहे.
Weather Alert : राज्यावर ४८ तास अस्मानी संकट, ७ भागांना रेड अलर्ट, मुंबई, पुण्यात काय स्थिती?
