लोकलमध्येच सुरक्षित
साचलेल्या पाण्यामुळे किंवा तांत्रिक बिघाडामुळे लोकल ट्रेन स्थानकांदरम्यान थांबते. यावेळी प्रवाशांनी गाडीतून उड्या मारुन रेल्वेरुळांवर चालत जात आपला जीव धोक्यात टाकू नये. सोसाट्याचा वारा-पाऊस असताना रुळांवर चालण्यापेक्षा लोकलमध्येच तुम्ही सुरक्षित राहू शकता.
‘कोयना’ परिसर संवेदनशील, ९ तालुक्यात भूस्खलनाचा धोका, कोल्हापूरकरांच्या झोपा उडाल्या
आपत्कालीन सुविधेचा वापर
रेल्वे, रेल्वे पोलिस, रेल्वे सुरक्षा दल, महापालिका, राज्य सरकार, आपत्ती निवारण कक्ष अशा सर्व यंत्रणांचे आपत्कालीन संपर्क क्रमांक तुमच्या मोबाइलमध्ये जतन करून ठेवा. खूप वेळ लोकल अडकली असल्यास किंवा खोळंबली असल्यास आपत्कालीन संपर्क क्रमांकावर फोन करून सर्व माहिती कळवावी.
रेल्वे सुविधांचा वापर करावा
महामुंबईत धावणाऱ्या सर्व वातानुकूलित आणि विनावातानुकूलित लोकलमध्ये उद्घोषणेची व्यवस्था आहे. पावसात कोणत्याही कारणास्तव लोकल थांबल्यास प्रवाशांना लोकलमध्ये त्याबाबतची माहिती देण्यात यावी. योग्य माहिती मिळाल्यास प्रवाशांमध्ये संभ्रम निर्माण होणार नाही.
समाजमाध्यमाचा योग्य वापर
मुसळधार पावसात स्थानकांदरम्यान लोकल थांबल्यास सरकारी यंत्रणांच्या अधिकृत ट्विटर हँडलवर सद्यस्थिती कळवावी. फोटोसह वेळ आणि नेमके ठिकाण यांची माहितीही थोडक्यात देता येईल. शक्य असल्यास #mumbai_rains, #mumbai_local असे हॅशटॅग माहितीमध्ये वापरावे. यामुळे सरकारी-खासगी यंत्रणांना मदतीसाठी पोहोचण्यास मदत होईल.
फॉरवर्डेड संदेश टाळा
व्हॉट्सअॅप ग्रुपवर येणारे फोटो, व्हिडीओ यांची शहानिशा केल्याशिवाय ते शेअर करू नका. एखादा फोटो, व्हिडीओ ‘फॉरवर्डेड’ असा असल्यास याचा अर्थ तो व्हायरल झालेला आहे. असे फॉरवर्डेड फोटो, व्हिडीओ शेअर करणे कटाक्षाने टाळा.
फलाटावरच उतरावे
स्थानकांदरम्यान लोकल ट्रेन थांबली असल्यास प्रवाशांनी रुळांवर उतरू नये. फक्त रेल्वेस्थानकावरच उतरावे. फलाटावरील प्रवाशांनी लोकलमधून उतरणाऱ्या प्रवाशांना प्राधान्य द्यावे, असे आवाहन मध्य रेल्वेच्या मुंबई विभागाने केले आहे.
आम्हाला कळवा
मुंबई आणि जवळपासच्या भागात पावसामुळे लोकल ट्रेन रखडण्याच्या घटना अनेकदा घडतात. गाड्या थांबलेल्या असताना तुम्हाला आलेले काही अनुभव किंवा अशा वेळी प्रवाशांच्या सोयीसाठी नेमके काय करता येऊ शकेल याबाबतच्या तुमच्या सूचना आम्हाला जरुर कळवा. तुमचे नाव, संपर्कक्रमांक आणि थोडक्यात अनुभव किंवा सूचना टाइप करा. यापैकी निवडक सूचना-अनुभव प्रसिद्ध करण्यात येतील. इमेल आयडी :
Maharashtra Weather Alert : राज्यात पावसाचा जोर वाढणार, वीकेंड घरीच थांबा; मुंबई, पुण्यासह ६ शहरांना अतिवृष्टीचा अलर्ट
