सणबूर येथील आनंदा जाधव यांच्यासह त्यांच्या पत्नी, मुलगा तसेच विवाहित मुलीचा शवविच्छेदनानंतर व्हिसेरा राखून ठेवला आहे. त्याचा सविस्तर अहवाल प्राप्त झाल्यानंतरच मृत्यूचे कारण स्पष्ट होईल, असे ढेबेवाडी पोलिसांनी सांगितले.
अर्ध घर अंगावर, तरीही त्याने कुटंबातील ६ जणांना वाचवलं, तरुणाने सांगितला ‘त्या’ रात्रीचा थरारक अनुभव
रयत शिक्षण संस्थेतील सेवानिवृत्त शिक्षक आनंदा पांडुरंग जाधव, त्यांची पत्नी सुनंदा, मुलगा संतोष आणि विवाहित मुलगी पुष्पलता धस या चौघांचे मृतदेह शुक्रवारी सकाळी राहत्या घरी आढळले होते. गुरुवारी आनंदा जाधव यांना उपचारासाठी कराडला रुग्णालयात आणले आणि सायंकाळी त्यांना घरी सोडले होते. मात्र, आनंदा जाधव यांना श्वास घेण्यासाठी अडचण होत होती. घरात विजेची समस्या असल्याने पोर्टेबल ऑक्सिजन मशिनसाठी जनरेटरची व्यवस्था केली होती. जाधव यांच्या घराची रचना आणि त्यातच रात्रभर जनरेटर सुरू ठेवल्याने त्याच्या धुरामुळे घरातील ऑक्सिजनची पातळी कमी होऊन झोपेतच या चौघांचा गुदमरून मृत्यू झाला असावा, अशी चर्चा आहे.
शुक्रवारी रात्री उशिरा मृतदेह नातेवाईकांच्या ताब्यात दिल्यानंतर जाधव कुटुंबातील तिघांवर सणबूर येथे तर पुष्पलता धस यांच्यावर मंदुळकोळे येथे अंत्यसंस्कार करण्यात आले.
