म. टा. प्रतिनिधी, मुंबई : केंद्रीय अर्थसंकल्पात घोषित झालेल्या वंदे मेट्रो उपनगरी वातानुकूलित रेल्वेगाडीतून प्रवास करण्यासाठी महामुंबईतील प्रवाशांना आता प्रतीक्षा करावी लागणार आहे. मुंबई रेल्वे विकास महामंडळाने २३८ वातानुकूलित लोकलची बांधणी आणि देखभाल निविदा प्रक्रिया स्थगित करण्याचा निर्णय घेतला आहे.
महागड्या विमान प्रवासातून प्रवाशांना मिळणार दिलासा; ‘गो फर्स्ट’बाबत महत्त्वाची माहिती समोर
‘वंदे मेट्रो उपनगरी गाड्यांची बांधणी आणि देखभालीची आंतरराष्ट्रीय स्तरावरील निविदा पुढील सूचना मिळेपर्यंत स्थगित करण्यात आली आहे’, असे मुंबई रेल्वे विकास महामंडळाच्या अधिकृत वेबसाइटवर रविवारी प्रसिद्ध करण्यात आले आहे. मुंबई उपनगरी रेल्वेमध्ये साध्या लोकल धावत आहेत. ‘साध्या लोकलऐवजी वंदे मेट्रो लोकल सुरू करण्यासाठीची प्रक्रिया पार पाडण्यासाठी अहवाल तयार करण्याचे काम सुरू आहे. मध्य आणि पश्चिम रेल्वेच्या सूचना अद्याप मिळालेल्या नाहीत. अहवाल आणि सूचनांचा समावेश निविदेच्या अटी-शर्तींमध्ये करण्यात येणार असल्याने तूर्त निविदा प्रक्रिया स्थगित करण्यात येत आहे’, असे एमआरव्हीसीचे मुख्य जनसंपर्क अधिकारी सुनील उदासी यांनी सांगितले.
मुंबईकरांसाठी महत्त्वाची बातमी: पावसामुळे लोकल थांबली तर काय कराल? या ५ गोष्टी करा अन् सुरक्षित राहा
बारा आणि पंधरा डब्यांच्या वंदे मेट्रो उपनगरी रेल्वेगाडीसाठी २८५६ डब्यांची बांधणी आणि देखभालीसाठीच्या निविदेला रेल्वेमंत्री अश्विनी वैष्णव यांनी मंजुरी दिली होती. त्यानुसार जूनमध्ये आंतरराष्ट्रीय स्तरावर निविदा मागवण्याची प्रक्रिया सुरू करण्यात आली होती. सप्टेंबरपर्यंत कंत्राटदार नियुक्त करण्याचा एमआरव्हीसीचा मानस होता. १२ डब्यांच्या लोकलसाठी अंदाजे ९० कोटी रुपयांची किंमत निश्चित करण्यात आली होती. सन २०२६मध्ये ५० गाड्यांचा पहिला टप्पा मुंबईत दाखल होण्याचा अंदाज होता. मात्र निविदा प्रक्रियेला स्थगिती मिळाल्याने भविष्याचे नियोजन कोलमडले आहे. यामुळे आधीच विलंब झालेल्या वंदे मेट्रो उपनगरी गाड्यांना आणखी विलंब होणार आहे, असे वरिष्ठ रेल्वे अधिकाऱ्यांनी स्पष्ट केले.
महागड्या विमान प्रवासातून प्रवाशांना मिळणार दिलासा; ‘गो फर्स्ट’बाबत महत्त्वाची माहिती समोर‘वंदे मेट्रो उपनगरी गाड्यांची बांधणी आणि देखभालीची आंतरराष्ट्रीय स्तरावरील निविदा पुढील सूचना मिळेपर्यंत स्थगित करण्यात आली आहे’, असे मुंबई रेल्वे विकास महामंडळाच्या अधिकृत वेबसाइटवर रविवारी प्रसिद्ध करण्यात आले आहे. मुंबई उपनगरी रेल्वेमध्ये साध्या लोकल धावत आहेत. ‘साध्या लोकलऐवजी वंदे मेट्रो लोकल सुरू करण्यासाठीची प्रक्रिया पार पाडण्यासाठी अहवाल तयार करण्याचे काम सुरू आहे. मध्य आणि पश्चिम रेल्वेच्या सूचना अद्याप मिळालेल्या नाहीत. अहवाल आणि सूचनांचा समावेश निविदेच्या अटी-शर्तींमध्ये करण्यात येणार असल्याने तूर्त निविदा प्रक्रिया स्थगित करण्यात येत आहे’, असे एमआरव्हीसीचे मुख्य जनसंपर्क अधिकारी सुनील उदासी यांनी सांगितले.
मुंबईकरांसाठी महत्त्वाची बातमी: पावसामुळे लोकल थांबली तर काय कराल? या ५ गोष्टी करा अन् सुरक्षित राहाबारा आणि पंधरा डब्यांच्या वंदे मेट्रो उपनगरी रेल्वेगाडीसाठी २८५६ डब्यांची बांधणी आणि देखभालीसाठीच्या निविदेला रेल्वेमंत्री अश्विनी वैष्णव यांनी मंजुरी दिली होती. त्यानुसार जूनमध्ये आंतरराष्ट्रीय स्तरावर निविदा मागवण्याची प्रक्रिया सुरू करण्यात आली होती. सप्टेंबरपर्यंत कंत्राटदार नियुक्त करण्याचा एमआरव्हीसीचा मानस होता. १२ डब्यांच्या लोकलसाठी अंदाजे ९० कोटी रुपयांची किंमत निश्चित करण्यात आली होती. सन २०२६मध्ये ५० गाड्यांचा पहिला टप्पा मुंबईत दाखल होण्याचा अंदाज होता. मात्र निविदा प्रक्रियेला स्थगिती मिळाल्याने भविष्याचे नियोजन कोलमडले आहे. यामुळे आधीच विलंब झालेल्या वंदे मेट्रो उपनगरी गाड्यांना आणखी विलंब होणार आहे, असे वरिष्ठ रेल्वे अधिकाऱ्यांनी स्पष्ट केले.
असुरक्षित प्रवासाचे दु:स्वप्न कायम
धावत्या लोकलमधून पडून होणारे अपघात शुन्यावर आणण्यासाठी ‘दरवाजे बंद वंदे मेट्रो’ उपनगरी बांधण्याचा निर्णय रेल्वे मंत्रालयाने घेतला होता. त्यानुसार निविदा प्रक्रिया सुरू करण्यात आली. ‘एसी लोकलची आवश्यकता असताना येत्या दोन वर्षांत नवी एसी लोकल गाडी येण्याची शक्यता कमी आहे. अशातच निविदा रद्द केल्याने मुंबईकरांचा सुरक्षित, स्वस्त प्रवासच लांबणीवर पडला आहे. स्थगितीमागील नेमके आणि स्पष्ट कारण देणे गरजेचे आहे’, असे रेल्वे मंडळाच्या प्रवासी समितीचे माजी सदस्य आणि मुंबई रेल्वे प्रवासी संघटनेचे अध्यक्ष कैलाश वर्मा यांनी सांगितले.
