आज आम्ही तुम्हाला अशाच एका विश्वासार्ह आणि जबरदस्त परतावा देणाऱ्या स्टॉकबद्दल सांगणार आहोत. टाटा समूहाची कंपनी टायटनच्या समभागांनी त्यांच्या गुंतवणूकदारांना दीर्घ मुदतीत जबरदस्त परतावा दिला आहे. टाटांच्या कंपन्यांवर लोकांचा भरपूर विश्वास असून ही कंपनीही विश्वासावर खरी उतरली आहे. टायटन कंपनीने २० वर्षांत एक लाख रुपयांच्या गुंतवणुकीवर १० कोटी रुपयांचा परतावा दिला आहे. शेअर बाजारात असे खूप कमी स्टॉक आहेत जे गुंतवणूकदारांना सुरक्षिततेसह इतका मोठा परतावा देतात.
Utkarsh SFB IPO: आयपीओची दमदार एंट्री, गुंतवणूकदारांची पहिल्या दिवशी कमाईच कमाई
टायटन शेअरची कामगिरी
टायटन कंपनीचा स्टॉक शुक्रवारी ०.३८ टक्के घसरून २९७७ रुपयांवर बंद झाला असून मागील २२ वर्षात शेअरने आपल्या विश्वासू गुंतवणूकदारांना ७७१९३ टक्के परतावा दिला आहे. या शेअरमध्ये २१ वर्षांपूर्वी जर एखाद्याने एक लाख रुपयांचीही गुंतवणूक करून आणि आत्तापर्यंत गुंतवणूक कायम ठेवली असेल तर त्याला गुंतवणुकीवर ७.७१ कोटी रुपयांपेक्षा जास्त परतावा मिळाला असेल. २० वर्षांपूर्वी टायटन शेअरची किंमत ३ रुपयांच्या जवळपास होती, तर आता त्याची ५२ आठवड्यांचा उच्चांक ३२०० रुपयांपेक्षा जास्त आहे.
ITC m-Cap: सिगारेट बनवणाऱ्या कंपनीचा नवीन रेकॉर्ड! मार्केट वाढवत दिग्गजांच्या क्लबमध्ये सामील
अल्पकालीन गुंतवणूकदारही मालामाल
दरम्यान, या स्टॉकने दीर्घकालीन गुंतवणूकदारांनाच खुश केले असे नसून दिवंगत गुंतवणूकदार राकेश झुनझुनवाला यांच्या आवडत्या या शेअरने अल्पकालीन गुंतवणूकदारांनाही निराश केले नाही. गेल्या एका वर्षात या समभागाने सुमारे २८% परतावा दिला असून देशांतर्गत ब्रोकरेज कंपनीच्या शेअर्सबाबत उत्साही दिसत आहेत.
दरम्यान, टायटन आपल्या ज्वेलरी ब्रँड तनिष्कचा विस्तार करणार असून कंपनीच्या वार्षिक अहवालात तनिष्कचे आणखी १८ आंतरराष्ट्रीय स्टोअर उघडण्यात येणार असल्याचे सांगण्यात आले आहे. त्यामुळेच त्याच्या शेअर्समध्ये आणखी वाढ होण्याची शक्यता ब्रोकर्सने वर्तवली आहे.
अनिल अंबानींच्या शेअरने केलं कंगाल, २५०० रुपयांवरून १५५ वर उतरला भाव; एक्स्पर्ट म्हणाले खरेदी करा!
टायटन शेअरची नवीन लक्ष्य किंमत (टार्गेट प्राईस)
सध्या कंपनीचा शेअर ३२०० रुपयांच्या खाली व्यवहार करत असून मोतीलाल ओसवाल सिक्युरिटीजने त्यावर ३३२५ रुपयांच्या लक्ष्य किंमतीसह खरेदीची शिफारस केली आहे. कंपनीने अलीकडेच मजबूत त्रैमासिक निकालही जाहीर केले ज्यात कंपनीने २०% महसुलात वाढ नोंदवली. टायटनच्या तिमाही निकालांनुसार कंपनीच्या घड्याळापासून परफ्यूम आणि दागिन्यांच्या विभागापर्यंत प्रत्येक क्षेत्रात वाढ नोंदवण्यात आली आहे.
(नोट : येथे नमूद केलेले स्टॉक फक्त माहितीच्या उद्देशाने आहेत. तुम्हाला गुंतवणूक करायची असल्यास प्रथम प्रमाणित गुंतवणूक सल्लागाराचा सल्ला घ्या. तुमच्या नफा किंवा तोट्यासाठी महाराष्ट्र टाइम्स ऑनलाईन जबाबदार राहणार नाही.)
