या हिंसाचार प्रकरणी राज्य सरकारने कोलकाता उच्च न्यायालयाचे माजी न्यायाधीश जे. एन. पटेल आणि माजी मुख्य सचिव सुमीत मलिक यांचा द्विसदस्यीय आयोग स्थापन केला आहे. आयोगाकडून शुक्रवारी मुंबईत सुनावणी घेण्यात आली. त्यावेळी एकबोटे हे आयोगासमोर हजर झाले. मात्र, त्यांनी साक्ष देण्यास नकार दर्शविला. या प्रकरणात माओवाद्यांशी संबंध असल्या प्रकरणी न्यायालयीन कोठडीत असलेले अॅड. सुरेंद्र गडलिंग आणि सुधीर ढवळे या दोघांनीही गेल्या वर्षी सप्टेंबर महिन्यात पुण्यात आयोगासमोर झालेल्या सुनावणीच्यावेळी साक्ष देण्यास नकार दिला होता.
सध्या आयोगाचे कामकाज मुंबई येथे सुरू आहे. शनिवारी (११ जानेवारी) माजी खासदार जोगेंद्र कवाडे यांची उलटतपासणी होणार असल्याचे आयोगाचे वकील आशिष सातपुते यांनी सांगितले. दरम्यान, या हिंसाचार प्रकरणात एकबोटे यांच्याविरूद्ध शिक्रापूर पोलिस ठाण्यात गुन्हा दाखल आहे. गेल्या वर्षी एप्रिल महिन्यात त्यांना जामीन मंजूर झाला आहे.
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
