Cyclic movement of drought victims for water in Sankh; संखमध्ये पाण्यासाठी दुष्काळग्रस्तांचे चक्री आंदोलन

जत तालुक्यातील संख येथील अप्पर तहसील कार्यालयासमोर काँग्रेसचे आमदार विक्रम सावंत यांच्या नेतृत्वाखाली दुष्काळग्रस्तांनी चक्री उपोषण सुरू केले आहे. राज्य सरकारकडून जर पाणी देता येत नसेल आणि दुष्काळ जाहीर करता येत नसेल तर आता आम्हाला कर्नाटकमध्ये जाण्यासाठी परवानगी द्यावी, अशी पुन्हा एकदा दुष्काळग्रस्तांनी मागणी केली आहे. कर्नाटक सरकारकडून तुबची बबलेश्वरच्या माध्यमातून जतच्या दुष्काळी ६५ गावांना पाणी तातडीने मिळू शकतं. मात्र या बाबतीत राज्य सरकार चाल-ढकल करत आहे. याशिवाय विस्तारित म्हैशाळ योजनेला निधी मंजूर करून केवळ गाजर दाखवण्याचा उद्योग करण्यात आल्याचा आरोप देखील दुष्काळग्रस्तांनी केला आहे.