या करारामध्ये भाडे आणि घराशी संबंधित व्यवस्थांबाबत काही सूचना नमूद केल्या जातात ज्यावर घरमालक, भाडेकरू आणि साक्षीदार यांच्या स्वाक्षऱ्या असतात. परंतु नेहमी लक्षात घ्या की घरभाडे करार बनवताना काही गोष्टींची विशेष काळजी घेतली पाहिजे, जेणेकरून नंतर तुम्हाला कोणत्याही प्रकारचा त्रास सहन करावा लागणार नाही.
ITR Filing: घरभाड्यावर प्राप्तिकराची करडी नजर, आयकर विभागाकडून कारवाई सुरू; वाचा सविस्तर
भाडे कधी वाढणार
सर्वप्रथम तुम्ही घरमालकाला दर महिन्याला किती भाडे देणार आणि घरमालक तुमचे भाडे कधी वाढवणार हे ठरवा. भाडे करारावर मासिक भाडे नमूद असले पाहिजे, परंतु जर भाडेवाढीचा उल्लेख भाडे करारात नसेल आणि घरमालकाला भविष्यात ते निश्चित करायचे असेल, तर तुम्हाला वाटाघाटीची चांगली संधी आहे.
करारावर कोणत्या बिलांचा उल्लेख
भाडे करारावर अनेक प्रकारच्या अटी व शर्ती नमूद केलेल्या असतात ज्या अतिशय काळजीपूर्वक वाचा. यावर घरमालकाने भाडे उशिरा भरल्याबद्दल काही दंड नमूद केला आहे का ते पहा. याशिवाय वीज, पाण्याची बिले, घर कर आणि जिम, स्विमिंग पूल, पार्किंग, क्लब इत्यादी सुविधा आणि त्या बदल्यात मिळणारे पेमेंट याचीही तपासणी करावी. लक्षात ठेवा की करारावर फक्त तीच बिले नमूद करावीत, जी तुम्ही घरमालकाला द्याल.
Rent Agreement: भाडेकरू आणि घरमालकासाठी भाडे करार अतिशय महत्त्वाचा, अशाप्रकारे ऑनलाइन करू शकता नोंदणी
दुरुस्ती आणि देखभाल
तुम्ही राहत असलेल्या घराची वेळोवेळी दुरुस्ती, देखभाल आणि रंगरंगोटी आवश्यक असते. अशा स्थितीत या खर्चाचा भर कोणाला उचलावा लागणार हे करारात स्पष्टपणे नमूद केले पाहिजे. दुसरीकडे एखादी दुर्घटना घडली तर अशावेळी घराच्या नुकसानीची भरपाई कोण देणार? ही गोष्ट करारावरही लिहिली पाहिजे.
House Rent: भाडेकरू भाडे देत नाही? भांडण करू नका आणि उचला हे पाऊल, लगेच मिळतील पैसे
या गोष्टी लक्षात ठेवा
या सर्वांशिवाय भाडे करारावर अनेक गोष्टी लिहिल्या असतात ज्या काळजीपूर्वक वाचा. घरात राहण्यापूर्वी तुम्ही घरमालकाला सिक्युरिटी देता, करारनाम्यावर नमूद केलेले सिक्युरिटी मनी मिळवा आणि ते परत करण्यासंबंधीचे नियमही लिहा. यामुळे भविष्यात तुमच्या आणि घरमालकात कोणताही वाद होणार नाही. लक्षात ठेवा की करार हा घरमालक आणि भाडेकरू यांच्यातील करार असून यामध्ये जर घरमालकाने नियम लिहून ठेवले असतील तर तुम्ही तुमच्या गोष्टीही त्यात लिहून घेऊ शकता. स्वाक्षरी केल्यानंतर भाडे कराराची एक प्रत तुमच्याकडे ठेवा.
