नवी दिल्ली : आपल्या रोजच्या व्यवहारात आपण ५०० रूपयांच्या नोटा सहज वापरतो. आता यासंबंधी एक मोठे अपडेट समोर आले आहे. RBI ने ५०० रूपयांच्या नोटेबाबत नवे स्टेटमेंट जारी केले आहे. खरंतर, स्टार मार्क असलेल्या काही नोटा बाजारात चलनात येत आहेत. ज्यांना सोशल मीडियावर बनावट नोट असल्याचं म्हटलं जात आहे. पण आता आरबीआयने या स्टार मार्क नोटेबाबत स्पष्टीकरण दिलं आहे. भारतीय रिझर्व्ह बँकेने म्हटलं आहे की ही, नोट देखील खरी आहे आणि व्हायरल पोस्टमध्ये दाखवले जाणारे दावे पूर्णपणे खोटे आहेत.

अधिक माहितीनुसार, जेव्हापासून सरकारने २००० रूपयांच्या नोटांचे चलन बंद केले. तेव्हापासून ५०० रूपयांच्या नोटांबद्दल लोकांची चिंता वाढली आहे. अशात स्टार मार्क असलेल्या नोटा सुरू झाल्यानंतर हा विषय लोकांमध्ये झपाट्याने चर्चेचा विषय ठरला. पण भारतीय रिझर्व्ह बँकेने एक निवेदन जारी करून लोकांचा सर्व संभ्रम दूर केला. रिझर्व्ह बँक ऑफ इंडियाने नेमकं काय म्हटलं आहे पाहूयात…

Maharashtra Weather Forecast : राज्यात आज मुंबई, पुण्यासह १० जिल्ह्यांना ऑरेंज अलर्ट, तर कुठे यलो अलर्ट? वाचा वेदर रिपोर्ट

आरबीआयने सांगितले की…

रिझर्व्ह बँक ऑफ इंडियाने गुरुवारी ५०० रूपयांच्या नोटांसंबंधी स्पष्ट केलं की, स्टार (*) चिन्ह असलेली नोट पूर्णपणे खरी आहे. १० ते ५०० रुपयांपर्यंतच्या अशा अनेक नोटा चलनात आहेत, ज्यामध्ये मालिकेच्या मध्यभागी ३ अक्षरांनंतर स्टारचं चिन्ह आहे आणि नंतर उर्वरित अंक लिहिलेले आहेत. आरबीआयचं म्हणणं आहे की, क्रमांकासह केलेले स्टारचे चिन्ह असं सूचित करते की ती बदललेली किंवा पुनर्मुद्रित केलेली आहे. म्हणजेच पुनर्मुद्रित केलेली बँकेची नोट आहे. ही नोट पूर्णपणे खरी आहे.

स्टार मार्क चिन्हांकित नोटा आधीपासूनच चलनात…

आरबीआयने दिलेल्या माहितीनुसार, स्टार मार्क असलेल्या नोटा २००६ पासून चालू आहेत. या चलनी नोटा २००६ मध्ये बाजारात आल्या होत्या. सुरुवातीला फक्त स्टार चिन्ह असलेल्या १०, २० आणि ५० रूपयांच्या नोटा छापल्या जात होत्या. आता मोठ्या नोटाही छापल्या जात आहेत. जेव्हा जेव्हा अशा चलनी नोटा जारी केल्या जातात तेव्हा त्यांच्या पॅकेटवर एक पट्टी लावली जाते. वर लिहिले असते की पॅकेटमध्ये स्टार चिन्ह असलेल्या नोट्स आहेत जेणेकरून ते ओळखता येतील.

Mutual Fund मध्ये गुंतवणूक करताना या चुका करू नका… अन्यथा होईल तुमचा खिसा रिकामा
छपाईदरम्यान खराब झालेल्या चलनी नोटा बदलण्यासाठी स्टार मार्क असलेल्या नोटा जारी करण्यात आल्या आहेत. या प्रकरणात, स्टार चिन्ह असलेल्या नोटांचं पुनर्मुद्रण करण्यात आलं आहे. RBI ने १०० च्या नोटांचं बंडल छापते. बंडलमधील काही नोटा बरोबर छापल्या जात नाहीत. त्या नोटा बदलण्यासाठी स्टार सिरीज आणण्यात आली आहे. तसेच, या नोटांचे मूल्य इतर नोटांसारखेच आहे. जर तुम्हाला कुठेतरी स्टार सिरीज असलेली चलनी नोट मिळाली तर घाबरू नका, कारण या नोटा पूर्णपणे सुरक्षित आणि अस्सल आहेत.

ITR Filing: अल्पवयीन मुलाचे उत्पन्नही कराच्या कक्षेत; दिव्यांग किंवा अनाथ मुलांसाठी काय आहेत नियम जाणून घ्या

LEAVE A REPLY

Please enter your comment!
Please enter your name here