कोण आहेत जफर इस्लाम?; होणार भाजप इतिहासातील ५वे मुस्लिम खासदार

नवी दिल्ली: भारतीय जनता पक्षाने (BJP) पक्षाचे प्रवक्ता (Syed Jafar Islam) यांना राज्यसभा पोटनिवडणुकीसाठी उमेदवार घोषित केले आहे. खरे तर, ज्येष्ठ नेते अमर सिंह यांच्या निधनानंतर राज्यसभेची जागा रिकामी झाली होती यानंतर उत्तर प्रदेशातील राज्यसभेच्या जागेवर पोटनिवडणूक होत आहे. जर जफर इस्लाम विजय झाले, कर ते भारतीय जनता पक्षाच्या इतिहासात ते पाचवे मुस्लिम खासदार ठरणार आहेत. जफर इस्लाम गेल्या ७ वर्षांपासून भाजपशी जोडले गेले आहेत. आता ते राज्यसभेत जात आहेत. कोण आहेत सय्यद जफर इस्लाम, ज्यांना थेट राज्यसभेत पाठवत आहे, हे पाहणे महत्वाचे ठरणार आहे. ( is the bjp candidate for the )

कोण आहेत जफर इस्लाम?

भाजपचे राष्ट्रीय प्रवक्ते सय्यद जफर इस्लाम हे उत्तर प्रदेशमधून राज्यसभा पोटनिवडणुकीचे भाजपचे उमेदवार आहेत. अमरसिंह यांच्या निधाननंतर ही जागा रिकामी झाली आहे. भाजपने आपला उमेदवार म्हणून सैय्यद जफर इस्लाम यांची निवड केली आहे. सय्यद जफर इस्लाम हे भाजपच्या इतिहासात आतापर्यंत चौथे मुस्लिम खासदार आहेत. आतापर्यंत मुख्तार अब्बाल नकवी, शाहनवाझ हुसेन, सिकंदर बख्त (राज्यसभा) आणि आरिफ बेग हे भाजपचे खासदार झाले आहेत. निवडून आल्यास सय्यद जफर इस्लाम हे भाजपचे पाचवे खासदार ठरतील.

सद्यस्थितीचा विचार करता मुख्तार अब्बास नकवी यांच्यानंतर सय्यद जफर इस्लाम हे भारतीय जनता पक्षाचे दुसरे मुस्लिम खासदार असतील. भारतीय जनता पक्षाच्या तिकिटावर आत्तापर्यंत केवळ तीनच मुस्लिम खासदारांना लोकसभेत विजय मिळवता आलेला आहे. यात मुख्तार अब्बाल नकवी, शाहनवाझ हुसेन आणि आरिफ बेग यांचा समावेश आहे.

ज्योतिरादित्यांना भाजपत आणण्यात इस्लाम यांची मोठी भूमिका

मध्य प्रदेशातील राजकारणात सक्रिय असलेले काँग्रेसचे माजी युवानेता ज्योतिरादित्य शिंदे यांना भाजपत आणण्यात सय्यद जफर इस्लाम यांची मोठी भूमिका होती. शिंदे यांनी आपल्या काही समर्थक आमदारांसह भारतीय जनता पक्षात प्रवेश केला होता. त्यानंतर कमलनाथ यांचे सरकार गडगडले आणि मध्य प्रदेशात शिवराजसिंह चौहान यांची पुन्हा एकदा सत्ता आली. यामुळे देखील या वेळी सय्यद इस्लाम यांचे नाव भाजपच्या राजकारणात विशष बनले आहे.

डॉ. सय्यद जफर इस्लाम हे झारखंडचे रहिवासी आहेत. ते मुंबईत कार्यरत आहेत. ते भारतीय जनता पक्षाचे राष्ट्रीय प्रवक्ते आहेत. इस्लाम हे भाजपचे स्पष्टवक्ते नेते, उदारमतवादी आणि कॉर्पोरेट घराण्यांशी संबंध असलेले मुस्लिम चेहरा आहेत. पक्षात ते गेल्या ७ वर्षांपासून सक्रिय आहेत. त्या पूर्वी सन २०१४ च्या लोकसभा निवडणुकीवेळी ते नरेंद्र मोदी यांच्या रणनीती आखणाऱ्या टीममध्ये होते.

क्लिक करा आणि वाचा-

जफर इस्लाम हे प्रोफेशनल इन्व्हेस्टमेंट बँकर आहेत. त्यांची आर्थिक आघाडीवर चांगली पकड असल्याचे मानले जाते. राजकारणात येण्यापूर्वी ते डॉइच बँकेचे व्यवस्थापकीय संचालक होते. सध्या ते एअर इंडियाच्या बोर्डावर स्वतंत्र संचालक देखील आहेत.

क्लिक करा आणि वाचा-
क्लिक करा आणि वाचा-