नवी दिल्ली: क्रिकेटच्या सुवर्ण इतिहासात याचे नाव सर्वात वरच्या स्थानावर आहे. त्यांची सरासरी जवळजवळ १०० इतकी आहे. पण दुसऱ्या महायुद्धामुळे यांच्या करिअरला ६ वर्षाचा ब्रेक लागला.

क्रिकेटच्या विश्वातील डॉन मानल्या जाणाऱ्या ब्रॅडमन यांच्या करिअरमध्ये ९९९४ या संख्येला खास असे महत्त्व आहे. कसोटी क्रिकेटमध्ये कोणत्याही फलंदाजाला त्याच्या या सरासरीच्या जवळपास देखील पोहोचता आले नाही.

वाचा-
२७ ऑगस्ट १९०८ रोजी ऑस्ट्रेलियातील न्यू साउथ वेल्स येथे जन्मलेल्या ब्रॅडमन यांनी ५२ कसोटीतील ८० डावात २९ शतक केली. ३३४ ही त्यांची सर्वोच्च खेळी होती. आधुनिक क्रिकेटमधील दिग्गज क्रिकेटपटू मास्टर ब्लास्टर सचिन तेंडुलकर देखील त्यांच्या जवळ पोहोचू शकला नाही. सचिनने २०० कसोटी खेळले आणि त्याची सरासरी ५३.७८ इतकी आहे. ब्रॅडमन यांनी सरासरी २.७५ कसोटीत एक शतक केले तर सचिने ६.४५ कसोटीत एक शतक केले.

भारता प्रमाणेच ऑस्ट्रेलियामध्ये देखील क्रिकेट प्रचंड लोकप्रिय आहे. तेथे ब्रॅडमन यांच्या एवढी लोकप्रियता अन्य कोणत्याही क्रिकेटपटूला मिळाली नाही. ब्रॅडमन यांची कसोटीतील सरासरी ९९.९४ ही ऑस्ट्रेलियाच्या संस्कृतीचा भाग झाली आहे. देशातील राष्ट्रीय प्रसारक ऑस्ट्रेलिया ब्रॉडकास्ट कॉरपोरेशनने प्रत्येक राजधानीच्या शहरातील पोस्ट बॉक्स नंबर ९९९४ असा ठेवला आहे.

वाचा-
ब्रॅडमन यांनी कसोटी प्रमाणेच प्रथम श्रेणी देखील कमाल केली होती. २३४ सामन्यातील ३३८ डावात ९५.१४च्या सरासरीने त्यांनी २८ हजार ०६७ धावा केल्या. नाबाद ४५२ ही त्यांची सर्वोच्च खेळी आहे. ब्रॅडमन यांनी करिअरमध्ये फक्त सहा षटकार मारले. त्याचा पहिला षटकार २१व्या कसोटीत तर अखेरचा ४६व्या कसोटीत होता. १९२८ ते १९४८ या करिअरच्या काळात ते एकदाही स्टंप आउट झाले नाहीत.

क्रिकेटमधील या दिग्गज फलंदाजाची सुरुवात आणि शेवट अतिशय खराब झाला. त्यांनी पहिल्या कसोटीत फक्त १८ आणि १ धाव केली होती. तर अखेरच्या कसोटीत ते शून्यावर बाद झाले. अखेरच्या कसोटीत त्यांना १००ची सरासरी गाठण्यासाठी फक्त ४ धावांची गरज होती. विशेष म्हणजे त्यांनी करिअरच्या दुसऱ्या कसोटीत आणि अखेरच्या कसोटीच्या आधीच्या सामन्यात शतक केले होते.

ब्रॅडमन यांनी भारताविरुद्ध पाच कसोटी सामने खेळले. संपूर्ण करिअरमध्ये ते एकदाच हिटविकेट झाले तेही भारताविरुद्ध होय. टीम इंडियाविरुद्धच्या पहिल्या सामन्यात त्यांनी १८५ धावा केल्या आणि हिट विकेट झाले.

लष्करात दाखल
ब्रॅडमन हे १९४० साली लष्करात दाखल झाले होते. पण तीन वेळा आजारी पडल्याने त्यांना १९४१ मधून नोकरीतून मुक्त करण्यात आले.

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

5 COMMENTS

  1. Hi there, after reading this amazing paragraph i am as well delighted to share my knowledge here with friends.

LEAVE A REPLY

Please enter your comment!
Please enter your name here