करोना: रशिया सुस्साट! पुढील महिन्यात आणखी एका लशीला मंजुरी देणार

मॉस्को: करोनाच्या संसर्गाचे जगभरात थैमान सुरू आहे. तर, दुसरीकडे त्याला अटकाव करण्यासाठी जगभरातील विविध लस विकसित करण्याचा प्रयत्न करत आहेत. रशियाने स्पुटनिक व्ही या लशीची घोषणा केल्यानंतर आता दुसरी आणखी एक लस विकसित केली आहे. या लशीला लवकरच मंजुरी मिळणार असल्याचे वृत्त आहे.

‘रॉयटर्स’ या वृत्तसंस्थेने दिलेल्या वृत्तानुसार, रशियाचे उपपंतप्रधान तात्याना गोलिकोवा यांनी सांगितले की, सप्टेंबर अखेरपर्यंत अथवा ऑक्टोबरपर्यंत लशीबाबतची सर्व तयारी पूर्ण करण्यात येणार आहे. उपपंतप्रधान गोलिकोना यांनी एका सरकारी बैठकीत राष्ट्रपती पुतीन यांना सांगितले की, सायबेरियातील वेक्टर वायरॉलॉजी इन्स्टिट्यूटमध्ये विकसित करण्यात आलेल्या लशीची चाचणी सप्टेंबर अखेरपर्यंत पूर्ण करण्यात येणार आहे. या लशीच्या चाचणीचे दोन टप्पे पूर्ण करण्यात आले असून यामध्ये स्वयंसेवकांना कोणताही त्रास झालेला आढळला नसल्याचे त्यांनी सांगितले.

वाचा:

रशियाने आपल्या दुसऱ्या लशीचे नाव EpiVacCorona असे ठेवले आहे. EpiVacCorona लशीची पहिली चाचणी ५७ स्वयंसेवकांवर करण्यात आली. या स्वयंसेवकांना २३ दिवसांसाठी रुग्णालयात दाखल करण्यात आले होते. त्यांची वैद्यकीय तपासणीही झाली. मात्र, कोणतेही साइड इफेक्ट जाणवले नाहीत. या लशीला सप्टेंबर अखेरपर्यंत अथवा ऑक्टोबर महिन्यात मंजुरी देण्यात येणार आहे. त्यानंतर नोव्हेंबर महिन्यात उत्पादन सुरू होणार आहे.

वाचा:

रशियाने करोनावरील पहिल्या लशीचे नाव ‘स्पुटनिक व्ही’ असे ठेवले आहे. जगात सोव्हिएत रशियाने पहिल्यांदा ‘स्पुटनिक’ हा उपग्रह सोडला होता. त्याच्याच नावावरून या करोना लशीला नाव देण्यात आले आहे. त्यानंतर आता दुसरी लसही मंजुरीच्या प्रतिक्षेत आहे.

वाचा:

दरम्यान, ‘स्पुटनिक व्ही’बाबत अमेरिकेसह इतर अनेक पाश्चिमात्य देशांनी आक्षेप घेतला होता. या लशीच्या चाचणीची माहिती समोर आली नव्हती. तरीदेखील रशियन सरकारने या लशीला मंजुरी दिली होती. त्यानंतर आता एका परदेशी संशोधन संस्थेच्या देखरेखीत ४० हजारजणांवर चाचणी करण्यात येणार आहे. या चाचणीची माहिती जागतिक आरोग्य संघटनेकडेही देण्यात येणार आहे.

चीनच्या आक्रमक विस्तारवादी धोरणाला आणि व्यापारी आक्रमकतेला भिडणाऱ्या ऑस्ट्रेलियानेदेखील करोनाला अटकाव करणारी लस विकसित केली आहे. पहिल्या टप्पातील मानवी यशस्वी झाली असून या लशीचे कोणतेही दुष्परिणाम झाले नसल्याचेही सांगण्यात आले आहे. मागील महिन्यात क्विनलँड विद्यापीठ आणि सीएसएल या बायोटेक कंपन्यांनी विकसित केलेली लस १२० स्वयंसेवकांना टोचली होती. ही चाचणी ब्रिस्बेन येथे करण्यात आली. पहिल्या टप्प्यातील मानवी चाचणीत कोणतेही साइड इफेक्ट्स झाले नाहीत.