पालघर : पालघर जिल्ह्यातील मुसळधार पावसामुळे नदीनाल्यांना आलेला पूर आणि धबधबे, नदी आदी पर्यटनस्थळी झालेले अपघात यामध्ये पावसाच्या दोन महिन्यांत आतापर्यंत एकूण २१ जणांचे मृत्यू झाले आहेत. पर्यटक व नागरिकांनी पावसाळ्याच्या उर्वरित दोन महिन्यांत काळजी घ्यावी, असे आवाहन आपत्ती व्यवस्थापन विभागाकडून करण्यात आले आहे.

पालघर जिल्ह्यात मागील आठवड्यात मुसळधार पाऊस झाला. एकट्या पालघर जिल्ह्यात १ जून ते ३१ जुलै या ६१ दिवसांच्या कालावधीत पावसामुळे तब्बल २१ मृत्यू झाल्याची माहिती पालघर जिल्हा आपत्ती व्यवस्थापन विभागाकडून देण्यात आली आहे. यामध्ये सर्वाधिक बळी हे पालघर जिल्ह्याच्या ग्रामीण भागात गेले असून यामध्ये धबधबे, नदीच्या प्रवाहात वाहून गेल्याने मृत्यू झाल्याचे समोर आले आहे.

नरेंद्र मोदी-शरद पवार भेटले की ‘ती’ गोष्ट हमखास घडणार, उद्धव ठाकरे कमालीचे नाराज
पालघर तालुक्यात सहा, डहाणूत चार, वसईत चार, जव्हारमध्ये चार, तर तलासरी, वाडा आणि विक्रमगडमध्ये प्रत्येकी एका मृत्यूची नोंद झाली आहे. जिल्हा प्रशासन आणि सरकारकडून मृतांच्या कुटुंबीयांना मदत देण्यासाठी कार्यवाही सुरू असून लवकरच मृतांच्या कुटुंबीयांना सरकारी मदत सुपूर्द केली जाणार आहे, असे सांगण्यात आले.

जिल्ह्यात मुसळधार पावसाने हजेरी लावल्यानंतर जिल्हा प्रशासनाने नदी प्रवाह, पर्यटनस्थळी जाण्यास मनाई आदेश लागू केले होते. मात्र, काही धबधब्यांवर मौजमस्तीसाठी गेलेल्या पर्यटकांचा मृत्यू झाल्याच्या घटना समोर आल्या आहेत. काही मृत्यू हे नद्यांना आलेल्या पुरात वाहून गेल्याने झाले आहेत. आजही पालघरच्या ग्रामीण भागात पुरामुळे रस्ते आणि नद्यांवरील साकव, पूल वाहून गेल्याने पाण्याच्या प्रवाहातून धोकादायक पद्धतीने प्रवास करावा लागत आहे. अशा धोकादायक पद्धतीने कोणीही प्रवास करू नये, अस आवाहन सरकार आणि जिल्हा प्रशासनाकडून करण्यात आले आहे.

पालघर जिल्ह्यात अजूनही काही ठिकाणी पावसाची संततधार सुरूच असून मुसळधार पाऊस सुरू झाल्यास नागरिकांनी अत्यावश्यक कामाशिवाय घराबाहेर पडू नये, वाहते पाणी आणि नदीजवळ जाताना सतर्कता बाळगावी, असे आवाहन जिल्हा प्रशासनाने केले आहे.

समृद्धी महामार्गाचे काम सुरू असताना मोठी दुर्घटना, मध्यरात्री गर्डरसह क्रेन कोसळली

LEAVE A REPLY

Please enter your comment!
Please enter your name here