परभणी: लहान मुलगा खेळत खेळत शेजाऱ्याच्या घरी गेला. त्यानंतर मुलाला आणण्यासाठी शेजारच्या घरामध्ये गेलेल्या एका सहा महिन्याच्या गर्भवती महिलेवर शेजाऱ्याने अत्याचार केल्याची धक्कादायक घटना परभणीच्या घटना पोलिस ठाण्याच्या हद्दीमध्ये घडली आहे. आरोपी नराधम एवढ्यावरच थांबला नाही तर घडलेला प्रकार कुणाला सांगितला तर जीवे मारण्याची धमकी त्याने पीडित महिलेला दिली. याप्रकरणी पीडित २० वर्षीय विवाहितेने दिलेल्या तक्रारीवरून आरोपी विरोधात गुन्हा दाखल करण्यात आला आहे. घटनेचा अधिक तपास पोलिस करत आहेत.

परभणी तालुक्यातील एका गावात लहान मुलगा खेळत खेळत शेजाऱ्याच्या घरी गेला होता. मुलगा दिसून येत नसल्यामुळे सहा महिन्याची गरोदर असलेल्या वीस वर्षीय महिलेने मुलाचा शोध घेण्यास सुरुवात केली. मुलगा शेजाऱ्याच्या घरी असल्याची माहिती मिळाल्यामुळे ते मुलाला घरी आणण्यासाठी शेजाऱ्याच्या घरी गेली असता ती सहा महिन्यांची गर्भवती आहे असे माहिती असताना देखील तिच्यावर बळजबरीने अत्याचार केला. हा प्रकार घडल्यानंतर शेजाऱ्यांनी सहा वर्षीय गर्भवती विवाहितेला तू कुणाला काही सांगितले तर तुला जीवे मारून टाकेन अशी धमकी दिली.

Nitin Desai: २५० कोटींचं कर्ज, नितीन देसाई अन् एनडी स्टुडिओतील अखेरची रात्र; आता कर्ज कोण फेडणार?
या घटनेनंतर घाबरलेल्या विवाहितेने घडलेला प्रकार आपल्या घरच्या मंडळींना सांगितला. घरच्या मंडळींनी विवाहितेला हिंमत दिल्यानंतर याप्रकरणी विवाहितेने दैठणा पोलिस ठाण्यामध्ये तक्रार दाखल केली. पीडितेने दिलेल्या तक्रारीवरून आरोपी विरोधात गुन्हा दाखल करण्यात आला आहे. घटनेचा अधिक तपास पोलिस उप अधिक्षक प्राची कर्णे करत आहेत. या घटनेमुळे परिसरामध्ये एकच खळबळ उडाली आहे.

चहा बनवायला उशीर झाला, त्याच्यातला राक्षस जागा झाला, पत्नीसोबत जे केलं ते पाहून पोलिसही हादरले
शेजाऱ्यानेच सहा महिन्याची गर्भवती असलेल्या विवाहितेवर अत्याचार केला असल्यामुळे खरच महिला सुरक्षित आहेत का असा प्रश्न आता उपस्थित केला जात आहे. दरम्यान राज्यामध्ये मागील काही दिवसापासून महिला अत्याचाराच्या घटनेमध्ये वाढ झाली आहे. अशा घटनांना आळा घालण्यासाठी पोलिसांनी योग्य त्या उपाययोजना करणे गरजेचे बनले आहे.

LEAVE A REPLY

Please enter your comment!
Please enter your name here