जितेंद्र आव्हाड यांनी नितीन देसाई मृत्यूप्रकरणी मोठं विधान केलं आहे. नितीन देसाई यांना कोण छळत होतं हे त्यांच्या मित्रांना ठाऊक आहे असं आव्हाड म्हणाले आहेत. इतकंच नाही तर हे आत्महत्या प्रकरण मुंबई एमएमआर रिजनशी संबंधित असल्याचा दावाही त्यांनी केला आहे. नितीन देसाई गेली दोन वर्ष आर्थिक अडचणीत होते. ते याबद्दल त्यांच्या मित्रांशी बोलत असल्याचं त्यांच्या जवळच्या व्यक्तींनी म्हटलं होतं. पत्रकारांशी बोलताना आव्हाड म्हणाले, ‘ रसेश शहा यांचा काहीही संबंध नाही. ती जी कंपनी एडलवाईज आहे, त्यांचा जर संबंध असेल तर त्यांनाही जेलमध्ये टाका. पण त्याच बरोबर त्यांना आणखी कुणी कुणी छळलं हे त्यांच्या जवळच्या मित्रांना माहितीये, सगळ्यांना माहितीये. गुजरातचं वगरे काहीही कनेक्शन नाही, सगळं मुंबईच्या एमएमआर रिजनशी कनेक्टेड आहे.’
यापूर्वी विधानसभेत गुरुवारी नितीन देसाई यांच्या मृत्यूप्रकरणाबाबत चर्चा झाली. यावेळी सर्वपक्षीय राजकारण्यांनी एकत्र येत नितीन देसाई यांना न्याय देण्याची मागणी केली. यावर गृहमंत्री देवेंद्र फडणवीस यांनी नितीन देसाई यांच्या मृत्यूप्रकरणाची सखोल चौकशी करण्याचे आश्वासन दिलं. केवळ अपघाती मृत्यूची चौकशी होता कामा नये. नितीन देसाई मृत्यूप्रकरणात एआरसी कंपनी आणि रसेश शहा यांच्या भूमिकेची सखोल चौकशी करण्यासाठी वेळ पडल्यास विशेष चौकशी करावी, अशी मागणी आशिष शेलार यांनी केली होती.
Nitin Desai Death: नितीन देसाईंच्या ‘त्या’ ऑडिओ क्लीप्समध्ये महत्त्वाची माहिती ? PM मोदी आणि शिंदेंसाठी मेसेज
