मुंबई : मेहनत आणि जिद्दीच्या बळावर एक व्यक्ती आपले नशीब लिहू शकते. जेव्हा तुम्ही एखादे ध्येय साध्य करण्यासाठी कठोर परिश्रम करता तेव्हा प्रतिकूल परिस्थिती देखील तुमच्या बाजूने वळते. हिरे कारखान्यातील कामगाराच्या मुलाने हे चांगलेच सिद्ध केले आहे. गुजरातमधील जयंती कनानीचा जन्म एका गरिब कुटुंबात झाला, परंतु त्याने अडचणींवर मात करत शिक्षण पूर्ण केले आणि नंतर भारतातील पहिल्या क्रिप्टो अब्जाधीश सह-संस्थापकांपैकी बनला.

कोण आहे जयंती कनानी
जयंती कनानीने आत्तापर्यंत जे काही साध्य केले ते त्याच्या मेहनत आणि समर्पणाचे फळ आहे. त्यांचे वडील हिऱ्याच्या एका कारखान्यात काम करायचे. बालपणी बऱ्याचदा शाळेची फी भरणेही अवघड होते. वडिलांचे कर्ज फेडावे म्हणून जयंतीला चांगली नोकरी मिळवायची होती, पण, नशिबाने त्याच्यासाठी काही वेगळेच लिहिले होते. अल्पावधीतच तो एक यशस्वी उद्योजक बनला. यशाच्या शिखरावर पोहोचण्याचा त्याचा प्रवास खरोखरच प्रेरणादायी आहे.

दहावीपर्यंत शिक्षण, स्टेशनवर रात्र घालवली… विस्फोटकांच्या क्षेत्रात एंट्री, मग धावत आली लक्ष्मी
वडील कारखान्यात मजदूर
अहमदाबादच्या बाहेर एका छोट्या फ्लॅटमध्ये जयंतीचे बालपण गेले. त्याचे वडील हिऱ्यांच्या एका कारखान्यात काम करायचे. घरची आर्थिक परिस्थितीत इतकी बिकट होती की वडिलांसाठी मुलाच्या शाळेची फी भारणेही खूप मोठी गोष्ट होती. जयंतीने इंजिनीअरिंग शिक्षण पूर्ण केलेच होते की या काळात वडिलांच्या डोळ्यांची दृष्टी कमी होऊ लागली. यामुळे त्यांना नोकरी सोडावी लागली. वडील बेरोजगार झाले आणि मग त्याला पुण्यात मासिक सहा हजर रुपये पगारावर नोकरी मिळाली.

दृष्टी कमी झाल्यामुळे जयंतीच्या वडिलांना काम सोडावे लागले, त्यामुळे जयंतीला जास्त पगाराची नोकरी शोधावी लागली. यादरम्यान तो एका स्टार्टअपमध्ये रूजू झाला. त्याने अनेक अर्धवेळ प्रकल्प सुरू केले, तर लग्नासाठी कर्जही काढले. तोपर्यंत आर्थिक संकटाला सामोरे जाणाऱ्या जयंतीने एक अब्ज डॉलर्सची कंपनी उभारण्याचा विचारही केला नव्हता.

कॉलेज फीसाठी नव्हते पैसे, इंजिनिअरिंग सोडून दोन तरुण बनले कबाडीवाला; वर्षाला १० कोटींची उलाढाल
काहीतरी नवीन करण्याचा प्रयत्न
जयंतीच्या जिद्द आणि अभ्यासातील उत्तम कामगिरीच्या जोरावर त्याला नडियाद येथील धर्मसिंग देसाई विद्यापीठात प्रवेश मिळाला. येथे त्याने अभियांत्रिकीचे शिक्षण घेतले. पदवीनंतर त्याला पुण्यात नोकरी लागली, मात्र या नोकरीच्या जोरावर ते कुटुंबाचा आर्थिक भार कमी करू शकले नाही. परंतु त्यांनी सतत काहीतरी नवीन करण्याचा प्रयत्न केला. डेटा विश्लेषक म्हणून काम करत असताना जयंतीने संदीप नेलवाल आणि अनुराग अर्जुन यांच्यासह स्टार्टअप सुरू केले.

UPSC ची तयारी करताना कल्पना सुचली अन् गर्ल्स हॉस्टेलसमोर दुकान टाकलं; आज १५० कोटींची उलाढाल
२०१७ मध्ये केली पॉलीगॉनची पायाभरणी
जयंतीने नेलवाल आणि तिसरे सह-संस्थापक अनुराग अर्जुन यांच्यासोबत २०१७ मध्ये पॉलिगॉनची सह-संस्थापना केली. सर्बियन टेक्नोक्रॅट मिहालिओ बेजेलिक, त्यांचे चौथे सह-संस्थापक नंतर मंडळात सामील झाले. कंपनी प्रसिद्धीच्या झोतात आली जेव्हा त्यांना अमेरिकेतील सर्वात प्रसिद्ध गुंतवणूकदारांपैकी एक आणि शार्क टँकचे न्यायाधीश मार्क क्यूबन यांच्याकडून गुंतवणूक मिळाली. २०२२ मध्ये पॉलीगॉनने सॉफ्टबँक, टायगर ग्लोबल, सेक्वोया कॅपिटल इंडिया सारख्या गुंतवणूकदारांकडून ४५० दशलक्ष डॉलरचा निधी उभारला. तर आज ही कंपनीचे मूल्यांकन हजारो कोटी डॉलर्सचे आहे.

LEAVE A REPLY

Please enter your comment!
Please enter your name here