मयूर अशोक कराळे (वय २४) राहणार गल्ली नंबर १ विष्णुनगर एम एन सी गार्डन जवळ असे आरोपीचे नाव आहे. या प्रकरणी पोलिसांनी दिलेल्या माहितीनुसार, विष्णुनगर येथील गल्ली नंबर एक मध्ये अल्पवयीन मुलगी कुटुंबीयांसोबत राहते या अल्पवयीन मुलीवर गल्लीमध्ये राहणाऱ्या मयूर तिच्यावर एकतर्फी प्रेम करतो. दोन महिन्यांपासून तो १४ वर्षीय अल्पवयीन मुलीचा सतत पाठलाग करत आहे. मुलगी घरी असताना मुलीच्या घरासमोर नेहमी चकरा मारत असतो.
डोक्यात फावड्याने वार करुन बापाने लेकाला संपवलं, मग कटरने… घटनेनं अख्खं सांगली हादरलं
दरम्यान, एकतर्फी प्रेम करणारा मयूर हा अल्पवयीन मुलीच्या घरी आला. यावेळी अल्पवयीन मुलीच्या आईने मयूरला समजावण्याचा प्रयत्न केला. मात्र, काही एक ना ऐकता त्याने मुलीच्या आईला धमकी दिली. यावेळी तो म्हणाला, माझे तुमच्या मुलीवर प्रेम आहे. तिला मागणी घालायला आलो आहे. तुम्ही तिला कुठेही घेऊन जा, मी तिला उचलून नेईल. आम्हाला वेगळं करण्याचा प्रयत्न केला, तर तुम्हाला जीवे मारून टाकेल, अशी धमकी अल्पवयीन मुलीवर एकतर्फी प्रेम करणाऱ्या टवाळखोराने मुलीच्या आईला दिली.
यावेळी घाबरलेल्या मुलीच्या आईने जवाहरनगर पोलिस ठाणे गाठत टवाळखोरा विरुद्ध तक्रार दिली. या प्रकरणी जवाहर नगर पोलिसांनी मयूर कराळे या तरुणाविरुद्ध गुन्हा दाखल केला आहे. पुढील तपास सुरु आहे.
लाचेच्या नोटा पाहिल्याशिवाय झोपच येत नाही, घरात लाखाेंचे दागिने, इंजिनीअरचा खजिना पाहून चक्रावाल
