खालापूर पोलिसात नितीन देसाईंच्या आत्महत्या प्रकरणात एफआयआर नोंदवण्यात आला आहे. त्यात पाच जणांची नावं आहेत. एडलवाईज कंपनीचे सीईओ रसेश शहा, चेअरमन केयूर मेहता, स्मित शाह, ईएआरसी कंपनीचे आर. के. बन्सल आणि जितेंद्र कोठारी यांच्या विरोधात एफआयआरची नोंद आहे.
एडलवाइज आर्क कंपनीचे म्हणणे काय?
एडलवाइज आर्क कंपनीला श्रीयुत नितीन देसाई यांच्या दुःखद निधनाविषयी अतीव शोक आहे. मात्र त्या निमित्ताने निर्माण झालेल्या काही गैरसमजांचे स्पष्टीकरण द्यायचे आहे.
नितीन देसाई यांच्या कंपनीला थीम पार्क आणि खेळते भांडवल उभारण्यासाठी २०१६ आणि २०१८ मध्ये आर्थिक सहाय्य देण्यात आले होते. २०२० पासून देसाईंच्या कंपनीला काही आर्थिक अडचणींचा सामना करावा लागला. त्यामुळे आर्थिक स्थिती सुधारण्यासाठी विविध प्रयत्न केले गेले, परंतु कंपनीची परिस्थिती सुधारली नाही. अखेर २०२२ मध्ये कंपनी राष्ट्रीय कंपनी कायदा न्यायाधिकरण (एनसीएलटी) कडे पाठवण्यात आले. जुलै २०२३ मध्ये एनसीएलटीने केस अॅडमिट केली.
नितीन देसाईंचं मातृप्रेम पुरस्कार सोहळ्यांतही लपायचं नाही, बिग बींनी पदस्पर्श करत घेतलेले आशीर्वाद
एडलवाइज आर्कने रिझर्व्ह बँक ऑफ इंडियाने अनिवार्य केलेल्या सर्व कायदेशीर प्रक्रियांचे पालन केले आहे. कायदेशीर चौकटीच्या बाहेर जाऊन कुठल्याही प्रकारची कार्यवाही केलेली नाही. व्याजदर जास्त आकारले जात नव्हते किंवा कर्जदारावर वसुलीसाठी अवाजवी दबाव टाकला जात नव्हता. आम्ही वेळ आणि पैसा खर्च करुन आमच्या तपशीलवार प्रक्रियांचे पालन प्रस्थापित कायदेशीर मार्गाने केले.
चोराला माफ करेन, पण माझं पाकिट मिळवून द्या; जेव्हा नितीन देसाईंच्या आर्त विनंतीने नागपूर पोलीस हळहळलेले
अशा दुःखद घटनांची चौकशी करण्याची गरज आम्ही समजू शकतो आणि त्याचा आम्ही आदर करतो. चौकशी प्रक्रियेला आम्ही पूर्ण सहकार्य करु. आम्हाला विश्वास आहे की आम्ही कायदेशीर पद्धतीने कार्यवाही केल्याचाच निष्कर्ष ते काढतील.
Nitin Desai Death : एकच जन्म असतो, तेव्हा… बहिणीसोबत मुलाखत, नितीन देसाईंचे डोळ्यात पाणी आणणारे शब्द
नितीन देसाई यांच्या निधनाने भारतीय चित्रपटसृष्टी आणि कलाविश्वाची मोठी हानी झाली आहे. जी शब्दात मांडता येणार नाही. आम्ही त्यांच्या आत्म्यास सद्गती लाभावी यासाठी प्रार्थना करतो. त्यांचे कुटुंबीय आणि एनडी आर्ट्सच्या कर्मचार्‍यांप्रती मनापासून शोक व्यक्त करतो.
