लॉकर दोन चाव्या वापरून ऑपरेट होते
प्रत्येक बँक लॉकरच्या दोन चाव्या असतात. एक चावी ग्राहकाकडे तर दुसरी बँकेकडे असते. दोन्ही चाव्या एकत्रित घातल्यानंतर लॉकर उघडला जातो. पण ग्राहक बँकेत जाऊन लॉकरमध्ये चावी टाकू शकतो, असे होऊ शकत नाही. तसेच ग्राहक बँकेतून दुसरी चावी घेऊन लॉकर रूममध्ये लॉकर उघडण्यासाठी जाऊ शकतो, असेही नाही. लॉकर उघडण्यासाठी बँक कर्मचारी ग्राहकासोबत दुसरी चावी घेऊन लॉकर रूममध्ये जाईल आणि दोन्ही चाव्या एकत्र लावून लॉकरचे कुलूप उघडेल आणि स्वतःच बाहेर जाईल.
पाच बँक लाॅकर्सच्या नियमात बदल, मौल्यवान सामान ठेवण्यापूर्वी जाणून घ्या तुमचे बँक यात आहे का?
बँक लॉकरची चावी हरवल्यास काय होणार?
जर तुमच्याकडून बँकेच्या लॉकरची चावी हरवली तर सर्वप्रथम तुम्ही बँकेला माहिती देणे आवश्यक आहे. यासोबतच तुम्हाला FIR ही नोंदवावा लागेल. तुम्ही बँक लॉकरची चावी हरवली तर बँक तुम्हाला डुप्लिकेट चावी देऊ शकते. याशिवाय बँक तुम्हाला दुसरे लॉकर जारी करू शकते. यासाठी पहिले लॉकर फोडल्यानंतर त्यातील सर्व सामान दुसऱ्या लॉकरमध्ये हलवून त्याची चावी तुम्हाला दिली जाईल. तथापि, असे केल्यास लॉकर फोडण्यापासून ते दुरुस्त करण्यापर्यंतचा संपूर्ण खर्च तुम्हाला सहन करावा लागू शकतो.
आयुष्यभराची कमाई बँकेच्या लॉकरमध्ये ठेवल्यास ती जप्त होण्यापासून वाचवा, नवीन वर्षात हा नियम लागू
बँक लॉकर फोडण्याचा नियम काय?
साधारणतः बँक लॉकर उघडण्यापासून ते कोणत्याही परिस्थितीत तोडण्यापर्यंतचे प्रत्येक काम ग्राहक आणि बँक अधिकारी या दोघांच्या उपस्थितीत केले जाते. बँकेचे लॉकर फोडल्यावर बँकेच्या अधिकाऱ्यांनी तसेच ग्राहकाने तेथे उपस्थित असणे आवश्यक असते. दुसरीकडे लॉकर जॉइंटमध्ये घेतल्यास सर्व सदस्यांनी तिथे उपस्थित राहणे आवश्यक असून जर एखादा ग्राहक तिथे उपस्थित राहू शकत नसेल, तर त्याच्या अनुपस्थितीतही त्यांच्या लेखी संमतीने लॉकर तोडले जाऊ शकते.
Bank Locker: बँकेच्या लॉकरमधूनच दागिने-कॅशची चोरी, मग नुकसान तुमचं की बँकेचं? RBIचा नियम काय सांगतो वाचा
लॉकरची ड्युप्लिकेट चावी मिळणार का?
जर तुमच्याकाडून लॉकरची चावी हरवली तर तुम्हाला ड्युप्लिकेट चावी मिळणार नाही. लॉकरची चावी हरवली तर लॉकरचे लॉक तोडणे हा एकच पर्याय आहे. चावी हरवल्यास किंवा लॉकरचे भाडे न भरल्यास लॉकर फोडण्यासाठी बहुतेक बँका शुल्क आकारते. उदाहरणार्थ भारतीय स्टेट बँक (एसबीआय) १००० रुपये अधिक GST शुल्क आकारते. यासोबतच लॉकर तोडण्याचा खर्च आणि लॉकरचे कुलूप बदलण्याचा खर्चही भरावा लागतो. एसबीआयनुसार जर एखाद्या ग्राहकाने सलग तीन वर्षे लॉकरचे भाडे भरले नाही तर बँक लॉकर तोडून भाडे वसूल करू शकते.
