कोण आहेत टिळक मेहता?
वयाच्या १३ व्या वर्षी टिळक मेहता यांनी पेपर-एन-पार्सल ही स्टार्टअप कंपनी सुरू केली. आज त्याचं वय १७ वर्ष आहे. टिळक यांचा जन्म २००६ साली झाला. गुजरातमध्ये जन्मलेले टिळक आज एका कंपनीचे संस्थापक आहेत. त्याचे वडील विशाल मेहता एका लॉजिस्टिक कंपनीशी संबंधित आहेत. टिळक यांच्या आई काजल मेहता गृहिणी आहेत. त्यांना एक बहीणही आहे. टिळक १३ वर्षांचे असताना एका घटनेने त्यांना व्यवसाय सुरू करण्याची कल्पना दिली. वडिलांच्या थकव्यामुळे टिळक मेहता यांना त्यांच्या व्यवसायाची कल्पना सुचली. ऑफिसमधून परतल्यावर तो वडिलांना बाजारातून स्टेशनरीच्या वस्तू आणायला सांगायचा, तेव्हा त्याला खूप वाईट वाटायचं. वडिलांची दमछाक पाहून कधी कधी शाळेसाठी स्टेशनरीची गरज आहे हेही सांगता येत नव्हते.
एका मेसेजने सुन्न झाल्या इंदिरा गांधी, रातोरात बदलले नियम, भेटा औषध उद्योगातील रॉबिनहूडला
अशा प्रकारे सुचली व्यवसायाची कल्पना…
एकदा टिळक आपल्या मामाच्या घरी सुट्टीवर गेले होते. घरी परतत असताना ते त्यांचे एक पुस्तक त्यांच्या घरी विसरले. परीक्षा सुरू होणार होती, त्यांना ते पुस्तक हवे होते, पण जेव्हा ते कुरिअर एजन्सीशी बोलले तेव्हा त्यांना कळलं की त्यांचे कुरिअरचे शुल्क पुस्तकापेक्षा जास्त आहे. पैसे खर्च करूनही त्यांना पुस्तकाची डिलिव्हरी एका दिवसात मिळू शकली नाही. यानंतर त्यांना व्यवसायाची कल्पना सुचली.
वडिलांनीही केली मदत…
टिळक मेहता यांना व्यवसायाची कल्पना इथूनच आली. त्यांनी आपल्या वडिलांना व्यवसायाची योजना शेअर केली. कुरिअर सेवा सुरू करण्यासाठी त्यांनी संपूर्ण योजना तयार केली. त्यांच्या वडिलांनी त्यांना सुरुवातीचा निधी दिला, त्यांची ओळख बँक अधिकारी घनश्याम पारेख यांच्याशी करून दिली, ज्यांनी टिळकांच्या व्यवसायात गुंतवणूक केली. टिळकांची कल्पना ऐकून ते बँकेची नोकरी सोडून व्यवसायात आले. दोघांनी मिळून पेपर एन पार्सल नावाची कुरिअर सेवा सुरू केली. टिळकांनी आपल्या कंपनीचे नाव ‘पेपर अँड पेन्सिल’ ठेवले आणि घनश्याम पारेख यांना कंपनीचे सीईओ बनवलं.
Bank Locker: लॉकरची चावी हरवली तर काय? डुप्लिकेट चावी मिळणार की लॉकर तोडावे लागेल?
१०० कोटींची उलाढाल आणि २०० लोकांना रोजगार
टिळकांनी एका दिवसात मुंबईतील डब्बावाल्यांची मदत घेतली. सुरुवातीला त्यांची कंपनी बुटीक आणि स्टेशनरीच्या दुकानातून छोट्या-छोट्या ऑर्डर्स घेऊन त्या लोकांपर्यंत पोहोचवत होती. कमी खर्चात काही तासांत मुंबई लोकलमध्ये माल पोहोचवला जात होता. छोटी स्थानिक दुकानं, डब्बेवाले, कुरिअर एजंट असं संपूर्ण नेटवर्क त्याने तयार केलं. आज त्यांची कंपनी २०० हून अधिक लोकांना रोजगार देते. २ वर्षांत टिळकांच्या कंपनीची वार्षिक उलाढाल १०० कोटी रुपयांपर्यंत गेली. लवकरात लवकर २०० कोटींच्या पुढे नेण्याचा आमचा प्रयत्न असल्याचं टिळक सांगतात.
या लघुउद्योजकाची क्षमता पाहून २०१८ साली त्यांना इंडिया मेरिटाइम अवॉर्ड्समध्ये युवा उद्योजक ही पदवी मिळाली. त्यांची कंपनी लोकांना घरोघरी सेवा देते. त्याची कंपनी मोबाईल ऍप्लिकेशनच्या माध्यमातून हे काम करते. इतकंच नाहीतर २०० कामगार आणि ३०० हून अधिक डब्बेवाले यामध्ये सहभागी आहेत. या डब्बावाल्यांच्या मदतीने कंपनी दररोज १२०० हून अधिक पार्सल पोहोचवलं जातं. प्रत्येक पार्सल पोहोचवण्यासाठी ४० ते १८० रुपये आकारले जातात.
Paytm शेअरची किंमत तेजीत वाढतेय, गुंतवणूक करण्याची सुवर्ण संधी? अधिक जाणूनच पैसे गुंतवा
वाचनाच्या वयात महिन्याला २ कोटी पगार
२०२१ मध्ये टिळक मेहता यांच्या कंपनीची उलाढाल १०० कोटी रुपयांवर पोहोचली. टिळक मेहता यांची एकूण संपत्ती ६५ कोटींवर आहे. शाळेत जाण्याच्या वयात टिळकांनी दरमहा २ कोटी रुपये कमावले. त्यामुळे त्यांच्या या यशाला सलाम….
Accident News : कशेडी घाटात एसटी बसचा मोठा अपघात, डोळा लागल्याने टँकरची धडक; ८ प्रवासी जखमी
