सेल्फी काढण्याच्या बहाण्यानं धक्का दिला
कीर्तनानं पोलिसांना दिलेल्या माहितीनुसार यू. सुरेश, तिची आई सुहासिनी, एका वर्षांची सावत्र बहीण जर्सी यांच्यासोबत पहाटे चारच्या सुमारास रावुलापलेम ब्रीजवर पोहोचले होते. तिथं सुरेश यानं सेल्फी काढण्याच्या बहाण्यानं पुलावरुन धक्का दिला. सुरेश त्या तिघींना खरेदी करण्यासाठी राजामहेंद्रवरममध्ये घेऊन गेला होता. तिथं खरेदी झाल्यानंतर वेगवेगळ्या ठिकाणी ते गेले होते. ज्यावेळी ते रावुलापलेम गौतमी ब्रीजवर पोहोचले त्यावेळी त्यानं सेल्फी काढण्यासाठी गाडीतून उतरण्यास सांगितलं. ते सर्वजण पुलाच्या कठड्यावर बसले होते आणि अचानक त्यानं धक्का दिला. यामध्ये सुहासिनी आणि जर्सी नदीत वाहून गेली. मात्र, कीर्तनानं पुलाखाली एका पाईपला पकडल्यानं ती वाचली. सुरेश तिथून तिघी वाहून गेल्या असतील या विचारानं निघून गेला. त्यानंतर कीर्तनानं धाडस दाखवलं आणि तिनं पोलिसांना फोन लावला.रावुलापलेमचे पोलीस उप निरीक्षक वेंकटरामना हे त्यांच्या कर्मचाऱ्यांसह घटनास्थळी पोहोचली आणि त्या मुलीला वाचवलं. दुसरी टीम सुहासिनी आणि जर्सी यांचा शोध घेत तर आणखी एक टीम आरीपचा शोध घेत आहे. गुंटूरमधील ताडेपल्ली येथील सुहासिनी या पतीशी काही कारणांवरुन वाद झाल्यानं वेगल्या राहत होत्या. सुरेश आणि सुहासिनी यांच्यात कोणत्या तरी कारणांमुळं वाद झाला होता. त्या वादामुळं त्यानं तिघींना संपवण्यासाठी कट रचला.
