करोनाग्रस्त रुग्ण व त्यांच्या कुटुंबियांना समाजातील इतर घटकांकडून तुच्छतेची वागणूक मिळत आहे. करोनाग्रस्त रुग्ण आढळतात. त्याठिकाणी परिसर सील केला जातो. तसंच, सामाजिक स्तरावर त्यांना ये-जा करता येत नाही. करोनामुक्त झालेल्या रुग्णाशीही इतर व्यवहार करीत नाहीत. एखाद्या कुटुंबामध्ये बाधित रुग्ण आढळला तरी खाजगी मालक कर्मचाऱ्यांना कामावरून कमी करीत आहेत. करोनाग्रस्त रुग्ंणाची संख्या उत्तरोत्तर वाढत आहे. त्यामुळं उपासमार टाळण्यासाठी पन्नास हजार एवढे मानधन करोनाग्रस्त रुग्णांना मिळाले पाहिजे, अशी मागणी बिचुकलेंनी केली आहे. त्याचबरोबर सातारा जिल्ह्यात हेल्मेट सक्ती नसताना या संकटकाळी जो अध्यादेश आहे तो संबंधितांनी तात्काळ रद्द करावा. अशीही मागणी त्यांनी केली आहे.
वाचाः
दरम्यान, साताऱ्यात शुक्रवारी ६६९ नवे करोनारुग्ण आढळले आहेत. तर १४ जणांचा उपचारांदरम्यान मृत्यू झाला आहे. आत्तापर्यंत साताऱ्यात १२ हजार ८८८ रुग्ण असून ६ हजार ७८७ रुग्णांनी करोनावर यशस्वी मात केली आहे. तर, ३७१ जणांचा करोनामुळं मृत्यू झाला असून ५ हजार ७३० अॅक्टिव्ह रुग्णांवर विविध रुग्णालयात उपचार सुरू आहेत.
वाचाः
कोरोना संकटाच्या पार्श्वभूमीवर गेल्या चार तर पाच महिन्यांपासून मेडिकल दुकानांच्या वेळेत बदल करण्यात आला होता. ठराविक काळात मेडिकल दुकाने सुरू ठेवण्याची परवानगी देण्यात आली होती. आता ही अट रद्द करण्यात आली आहे. जिल्हाधिकारी यांनी याबाबत नवीन आदेशानुसार पूर्ण वेळ मेडिकल दुकान सुरू ठेवण्यास परवानगी दिली आहे.
जिल्हादंडाधिकारी, सातारा शेखर सिंह यांनी क्रिमिनल प्रोसिजर कोड १९७३ चे कलम १४४मधील तरतूदीनुसार सातारा जिल्ह्यातील मेडीकल, औषधांची दुकाने पूर्ण वेळ चालू ठेवण्यास परवानगी दिली आहे. जिल्हाधिकारी यांच्या नव्या आदेशानुसार आता पूर्णवेळ मेडिकल दुकान सुरू राहणार असल्याने इतर आजारांच्या रूग्णांना दिलासा मिळाला आहे. वेळेच्या मर्यादेमुळे इतर आजारांवरील औषधे खरेदी करण्यासाठी या रूग्णांना ठराविक वेळेत घराबाहेर पडावे लागत होते.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
