४ ऑगस्ट रोजी कानपूरच्या बर्रा येथे राहणाऱ्या नरेंद्र कुमार वर्मा यांच्या मोबाइलवर एक व्हिडिओ आणि दोन ऑडिओ आले होते. व्हिडिओमध्ये त्यांची मुलीला दोरीने बांधलेलं दाखवण्यात आलं. तर मुलीचे अपहरण झाल्याचं ऑडिओमध्ये सांगण्यात आलं. दहा लाख रुपये द्या, अन्यथा मुलीला सोडणार नाही, अशी धमकीही दिली. यानंतर मुलीच्या वडिलांनी पोलिस ठाण्यात एफआयआर दाखल केला.
बाईक एकीकडे, चावी विहिरीच्या कठड्यावर, अखेर ११ दिवसांनी बेपत्ता इंजिनीअर सापडला, पण…
पोलिसांच्या सहा पथकांनी दोन दिवस पाठलाग केला
वडिलांच्या तक्रारीवरून पोलिस तपासात गुंतले. मुलीच्या वस्तीत राहणारा राज हा मुलगाही बेपत्ता असल्याचं प्राथमिक तपासात समोर आले आहे. यानंतर पोलिसांनी दोन्ही मोबाईलचे लोकेशन ट्रेस केले आणि ते लखनऊमध्ये सापडले. पोलिसांच्या सहा पथकांनी दोन दिवस अनेक जिल्ह्यांत त्याचा पाठलाग केला. अखेर रविवारी सायंकाळी दोघांना बस्ती येथील स्थानकात फिरत असताना अटक करण्यात आली.
डीसीपी रमेश कुमार यांनी सांगितले की, तरुणीची राजसोबत मैत्री होती. मुलीची अभियांत्रिकी महाविद्यालयात निवड झाली आणि तिचं समुपदेशन होणार होतं. या दोघांनी लग्नही केले आहे. वडिलांकडून पैसे उकळण्यासाठी तरुणीने प्रियकरासह अपहरणाचे नाटक केले होते. दोघांना अटक करून तुरुंगात पाठवण्यात येत आहे. आरोपी दोन दिवसांत लखनऊ, बाराबंकी, फैजाबाद, बस्तीसह डझनभर जिल्ह्यात फिरले. दोघेही जिल्ह्यातील मंदिरात फिरत राहायचे.
यादरम्यान ते जेव्हाही मोबाईल ऑन करायचा तेव्हा पोलिसांचे पथक लोकेशन ट्रेस करून तिथे पोहोचायचे. मात्र, ते पुन्हा मोबाईल बंद करत असत. पोलिसांनी पुढे सांगितले की, प्रियकराने मुलीला फूस लावून तिच्या दोन एफडी मोडल्या आणि पैसे खर्च केले. मुलीच्या प्रियकराने सांगितले की संपूर्ण प्लॅन फक्त मुलीचा होता. त्याने स्वतः हाताने दोरी बांधली. तुरुंगात जाणार असलो, तरी पण लग्न निभावणार असल्याचं त्याने सांगितले.
ना भांडण, ना कुठली अडचण, घरात सगळे असताना महिलेने आयुष्य संपवलं, लेकींची अवस्था पहावेना
