शिवसेनेत फूट पडल्यानंतर अकोल्यातही दोन गट निर्माण झाले होते. माजी आमदार गोपीकिशन बाजोरिया व त्यांचा गट शिंदे यांच्यासोबत गेल्यावर आमदार नितीन देशमुख व इतर पदाधिकारी ठाकरे गटासोबत प्रामाणिक राहिले. पण, बाळापूरचे आमदार नितीन देशमुख सोडून इतर जुन्या व निष्ठावान शिवसैनिकांना पक्षात डावलले जात असल्याचा आरोप होत आहे. यातूनच या कार्यकर्त्यांनी आता शिंदे गटासोबत जाण्याचा निर्णय घेतला आहे.
आमच्यात वादही नाही, गटही नाही, पक्ष एकसंध आहे, शरद पवारांनी निवडणूक आयोगाला काय सांगितलं?
या पक्षप्रवेशाच्या अनुषंगाने अकोला जिल्ह्यातील शिवसेना (ठाकरे गट) कार्यकर्त्यांची बैठक खासदार श्रीकांत शिंदे यांच्यासोबत औरंगाबादमध्ये झाली. अकोल्यातील पदाधिकारी या बैठकीला हजर होते. लवकरच वाशीम, बुलढाणा व यवतमाळ येथील पदाधिकारी शिंदे गटात येणार असल्याचा दावाही केला जात आहे.
सांगूनही ऐकलं नाही, पोलिसांनी कायद्याचा दणका दिलाच, आता पुणेकरांचे पाय आपोआप पोलीस स्टेशनकडे!
पिंजरकरांच्या हालचाली
अकोला जिल्हा शिवसेनेचे प्रमुख राहिलेले श्रीरंग पिंजरकर बोरगाव मंजू मतदारसंघातून निवडणूक लढले होते. शिवसेनेशी मागील कित्येक वर्षांपासून त्यांचे ऋणानुबंध आहेत. मात्र गेल्या वर्षी झालेल्या या पक्षफुटीमध्ये त्यांचे नुकसान झाले. त्यामुळे आता ते शिंदे गटाच्या संपर्कात आहेत. शिंदे गटाचे राज्य समन्वयक रामेश्वर पवळ यांच्या माध्यमातून हे घडविले जात आहे. सुमारे ५० पदाधिकारी शिंदे गटात येणार असल्याचा विश्वासही त्यांनी व्यक्त केला आहे.
