उमेदवारांना परीक्षेत पास करण्याचं आमिष दाखवून प्रत्येकी १४ ते १५ लाख रुपये घेतल्याचा आरोप शैलजा दाराडेंवर आहे. या संदर्भात पैसे घेतलेल्या उमेदवाराचे व्हॉइस कॉल तापासण्यात येणार आहे. तसेच हुशार आणि होतकरू विद्यार्थ्यांकडून पैसे घेतलेल्याचा देखील आरोप त्यांच्यावर आहे. विद्यार्थ्यांना पैसे घेऊन नोकरी लावण्यात आल्याचा आरोप दराडेंवर आहे. अधिक तपासासाठी त्यांना पोलीस कोठडी सुनावली आहे.
मुंबई कोल्हापूर मार्गावर वंदे भारत ट्रेन कधी सुरु होणार? रेल्वेच्या अधिकाऱ्यांनी दिलं उत्तर, म्हणाले…शिक्षण विभागात नोकरी लावण्याच्या अमिषाने ४४ जणांची कोट्यवधी रुपयांची फसवणूक केल्याच्या आरोपावरून हडपसर पोलिसांनी दराडेंवर गुन्हा दाखल केला होता. त्यानंतर तब्बल सहा महिन्यानंतर काल शैलजा यांना अटक केली होती.
गेल्या काही महिन्यापासून दराडे यांच्याकडे याबाबत चौकशी सुरू होती. सोमवारी त्यांना चौकशीसाठी हडपसर पोलिसांनी बोलावले होते. त्यानंतर त्यांना अटक करण्यात आल्याचे पोलिसांनी सांगितले. आज पुणे न्यायालयात हजर करण्यात आलं होतं, कोर्टाने दोन्ही बाजूचा युक्तिवाद ऐकल्यानंतर १२ ऑगस्ट म्हणजे चार दिवस पोलीस कोठडी सुनावली आहे.
Nilima Chavan News : डोकं अन् भुवयांवरील केस नव्हते कारण…; नीलिमा चव्हाण मृत्यू प्रकरणी पोलिसांची धक्कादायक माहिती
नेमकं प्रकरण काय?
शिक्षण विभागात नोकरी लावण्याच्या आमिषाने ४४ जणांची ५ कोटींची फसवणूक प्रकरणी महाराष्ट्र राज्य परीक्षा परिषदेच्या तत्कालीन आयुक्त शैलजा रामचंद्र दराडे ( रा.पाषाण) यांना अटक करण्यात आली आहे. याप्रकरणी फेब्रुवारी महिन्यात त्यांच्यासह भाऊ दादासाहेब रामचंद्र दराडे ( रा. इंदापूर) यांच्याविरुद्ध हडपसर पोलिस ठाण्यात गुन्हा दाखल करण्यात आला होता.याबाबत पोपट सुखदेव सूर्यवंशी ( रा. खाणजोडवाडी, आटपाडी, सांगली) यांनी फिर्याद दिली होती. सूर्यवंशी शिक्षक असून त्यांच्या नात्यातील महिलेला शिक्षक पदावर नोकरी पाहिजे होती. जून २०१९ मध्ये सूर्यवंशी यांची भेट आरोपी दादासाहेब दराडे याच्याशी झाली होती.
हडपसर पोलीस स्टेशनमध्ये भा द वि कलम – ४२०,४०६ नुसार शैलजा रामचंद्र दराडे, वय ५२ वर्ष ( शिक्षण उपायुक्त, महाराष्ट्र राज्य परीक्षा परिषद ,पुणे, सध्या निलंबित) यांना काल अटक करण्यात आली होती.
जयप्रभा स्टुडिओ प्रकरण; राजेश क्षीरसागर कुटुंबियांनी कोल्हापूरकरांना चुना लावला, ठाकरे गटाचा आरोप
