वाचा:
तालुक्यातील मौदा शहर, चेहाडी, सुखडी, नेरला, किरणापूर, कुंभारपूर, सिंगोरी, झुल्लर तसेच वडना या ९ गावांना पुराचा फटका बसला आहे. यापैकी ३६४ कुटुंबांची पुराच्या पाण्यातून सुटका करण्यात आली आहे. १ हजार ५६८ व्यक्तींना माथनी खासगी शाळा, जनता हायस्कूल मौदा, ऑक्सफोर्ड स्कूल, जिल्हा परिषद शाळा व नरसाळा या सुरक्षित स्थळी स्थलांतरीत करण्यात आले आहे. तसेच एसडीआरएफ (राज्य आपत्ती निवारण दल) व एनडीआरएफ (राष्ट्रीय आपत्ती प्रतीसाद दल) यांची सेवा घेण्यात आली आहे.
तालुक्यातील गोराबाजार, सोनेगांव, अजनी, भामेवाडा, जुनी कामठी, बिना, नेरी तसेच बिडबिना ही ८ गावे पुरात अडकली आहेत. गोराबाजार येथील १५० कुटुबांतील ६२० व्यक्तींची सेंट जोसेफ शाळेत निवासाची व्यवस्था करण्यात आली आहे. सोनेगाव येथील ८०, अजनी ५०, भामेवाडा ५०, जुनी कामठी ४०, बिडबिना ८ तर नेरी येथील १५ कुटुंबांना सुरक्षित स्थळी हलविण्यात आले आहे. बिना येथील १ हजार ५०० कुटुंबांपैकी २५० ते २७० कुटुंबांना सुरक्षित स्थळी हलविण्यात आले आहे. येथे एसडीआरएफ व एनडीआरएफ यांच्या मदतीने बचाव पथकाचे कार्य सुरू आहे.
वाचा:
पारशिवनी तालुक्यातील काळाफाटा, पिपरी, जुनी कामठी, सिंगारदीप, सालई मावली तसेच पाली ही ६ गावे जलमय झाली आहेत. येथील ३८० कुटुंबातील १ हजार ५७४ नागरिकांचे शाळा व समाजभवन येथे स्थलांतरण करण्यात आले आहे.
कुही तालुक्यातील चिचघाट तसेच आवरमारा या २ गावांतील २७० कुटुंबं पुराच्या भीतीखाली आहेत. त्यापैकी २०० कुटुबांतील १ हजार व्यक्तींना आतापर्यत सुरक्षित स्थळी हलविण्यात आले आहे. उर्वरित कुटुबांना सुरक्षित स्थळी हलविण्याचे काम बचाव पथकामार्फत वेगाने सुरू आहे. एसडीआरएफ व एनडीआरएफ यांच्या सेवेसह लष्कराचे पथक बचाव कार्य करीत असल्याची माहिती जिल्हाधिकारी रवींद्र ठाकरे यांनी दिली.
वाचा:
Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times
