सुहास गोपीनाथ यांची यशोगाथा जगभरात मोजली जाते. ग्लोबल इंक ही प्रत्यक्षात एक बहुराष्ट्रीय IT कंपनी आहे, जी मोबाईल आणि सायबर सुरक्षा उत्पादने बनवते. सुहास गोपीनाथ यांच्याकडे जगातील सर्वात तरुण सीईओ होण्याचा मान आहे.
UPSC Success Story: ३५ परीक्षांचे अपयश पचवणारा विजय वर्धन अखेर ‘आयएएस’ झालाच! वाचावी अशी यशोगाथा..
कंपनी सुरू करण्याची प्रेरणा कधी आणि कशी मिळाली?
सुहास गोपीनाथ यांनी २०१० मध्ये दावोस येथील वर्ल्ड इकॉनॉमिक फोरममध्ये बिल गेट्स यांची भेट घेतली होती. गोपीनाथ यांना तंत्रज्ञानात पूर्वीपासूनच रस होता. ते भावासोबत सायबर कॅफेत जायचे, तर त्यांच्या वयाची इतर मुलं खेळ खेळायची. सायबर कॅफेमध्येच गोपीनाथच्या मनात विचार आला की – ते सुद्धा हॉटमेल सारखे काहीतरी नवीन का विकसित करू शकत नाही.
सुहास गोपीनाथ यांचा जन्म ४ नोव्हेंबर १९८६ रोजी बेंगळुरू येथे झाला. वडील संरक्षण खात्यात शास्त्रज्ञ होते म्हणून त्यांचे सुरुवातीचे शिक्षण एअरफोर्स शाळेत झाले. लहानपणापासूनच तांत्रिक ज्ञान मिळवण्याची त्यांची तीव्र इच्छा होती. त्यावेळी भारतात संगणक नवीन होता, जे शिकण्यासाठी सुहासने कोणतीही कसर सोडली नाही.
मित्रांच्या सांगण्यावरून बँकेची परीक्षा दिली अन् रचला इतिहास, वाचा अरुंधती भट्टाचार्य यांची यशोगाथा
युवा वयात स्वतःच्या पायावर उभे राहिले
खेळण्या-बागडण्याच्या मस्ती करून आनंद लुटण्याच्या वयात सुहास यांनी नववीत शिकत असताना फ्रीलान्स वेब डिझायनर म्हणून काम करायला सुरुवात केली. या दरम्यान सुहासने प्रथमच १०० डॉलर कमावले, ज्यामुळे त्याचा उत्साह वाढला आणि पुढच्याच वर्षी त्याची कंपनी – ग्लोबल इंक- सुरू झाली.
कंपनीची नोंदणी
२००० मध्ये सुहासच्या यशाची सुरूवात झाली. सुहास गोपीनाथ यांनी कॅलिफोर्नियाला जाऊन कंपनीची नोंदणी करून घेतली, जिथे त्यांना आणखी तांत्रिक ज्ञान मिळाले. अमेरिकेतून परतल्यानंतर त्यांनी भारतातही कंपनीची नोंदणी केली आणि त्याच्या कंपनीचे काम पुढे नेण्यात पूर्णपणे गुंतले.
आयआयटी किंवा आयआयएम न करताही मिळवले ८५ लाखांचे पॅकेज.. वाचा राशी बग्गाची यशोगाथा..
सुहास गोपीनाथ यांनी आपल्या कंपनीत वेब सोल्युशन, मोबाईल सोल्युशन यांसारख्या सेवा सुरू केल्या. याशिवाय त्यांची कंपनी डेटा रिसर्चची सेवाही देते. सुहासची मेहनत रंगली आणि पहिल्याच प्रयत्नात एक लाख आणि नंतर पाच लाख कमावले. गेल्या दोन दशकांत ग्लोबल्स इंक कॉर्पोरेशन ही बहुराष्ट्रीय कंपनी बनली असून या कंपनीची उत्पादने जगातील अनेक देशांमध्ये उपलब्ध आहेत. कंपनीच्या शाखा ब्रिटन, इटली, स्पेन, अमेरिका येथे असून तांत्रिक सेवा पुरवण्यात सुहासची कंपनी आघाडीची मानली जाते.
कंपनीचे कर्मचारी त्यांच्या कौशल्य आणि उत्कृष्टतेसाठी ओळखले जातात. तसेच आजपर्यंत कंपनीची किंमत $१.०१ अब्ज झाली असून कंपनीत शंभरहून अधिक कर्मचारी कार्यरत आहेत.
