सना खान खून प्रकरणातील मुख्य आरोपी अमित ऊर्फ पप्पू शाहूचा नोकर जितेंद्र गौर याला पोलिसांनी अटक केली आहे. त्याने सनाची हत्या करून मृतदेह हीरन नदीत फेकल्याची कबुली दिली आहे.
पोलिसांना सांगितले की २ ऑगस्ट रोजी त्याने शाहूच्या कारची रक्ताने माखलेले डिक्की धुतली होती. शाहूने सना खान यांची घरातच हत्या केली. त्यानंतर सना खान यांचा मृतदेह डिक्कीमध्ये ठेवून जबलपूर-दमुआ-कटंगी रस्त्यावरील ढाब्यापासून काही अंतरावर असलेल्या हिरण नदीत फेकून देण्यात आला होता. २ ऑगस्ट रोजी सर्वत्र मुसळधार पाऊस झाला. नद्यांनाही पूर आला होता.
अधिक मासात सासुरवाडीला निघालेल्या जावईबापूंवर काळाचा घाला, पत्नीच्या डोळ्यांदेखत मृत्यू
आठ दिवसांनंतरही सना यांच्याबाबत माहिती मिळविण्यात हायटेक नागपूर पोलिस व जबलपूर पोलिस अपयशी ठरले. सना यांचा घातपात करण्यात आल्याचा संशयही व्यक्त करण्यात येत होता.
प्रेम विवाहाला विरोध, प्रियकराच्या साथीने पोटच्या मुलीने दिली वडिलांची सुपारी, पण…
सूत्रांकडून मिळालेल्या माहितीनुसार १ ऑगस्टला सकाळी पप्पूने सना यांना व्हिडीओ कॉल केला. यावेळी सना यांच्या गळ्यात पप्पूला सोनसाखळी दिसली नाही. त्यामुळे त्यांच्यात वाद झाला. तसेच आर्थिक व्यवहारावरूनही दोघांमध्ये वाद सुरू होता. वाद झाल्यानंतर याच दिवशी रात्री सना या जबलपूरला गेल्या व गायब झाल्या.
हरिश्चंद्र गडावर वाट चुकलेल्या पर्यटकाचा मृत्यू नेमका कशामुळे, अंगावर काटा आणणारं कारण समोर
सना या स्वत: ट्रॅव्हल्सने जबलपूरला गेल्या. त्या बेपत्ता असल्याची नोंद घेण्यात मानकापूर पोलिस स्टेशनमध्ये आली होती. जबलपूरहून त्या गायब झाल्याने या प्रकरणाचा तपास जबलपूर पोलिसांनी करावा, असे नागपूर पोलिसांचे म्हणणे आहे.
