IPO मध्ये गुंतवणूक करणाऱ्या गुंतवणूकदारांना SEBI ने दिली मोठी खुशखबर, घेतला नवा निर्णय; जाणून घ्याटायटन लिमिटेडने दिले भरभरून परतावा
भारतीय शेअर बाजारात टायटन कंपनीच्या शेअर्सचा चांगली कामगिरी करणाऱ्या शेअर्समध्ये समावेश होतो. दहा वर्षांपूर्वी ऑगस्ट २०१३ रोजी टायटनचा शेअर २८०.३५ रुपयांवर व्यवहार करत होता. तर आज या शेअरची किंमत २,९६२ रुपये आहे. म्हणजे जर तुम्ही दहा वर्षांपूर्वी टायटनचे शेअर्स खरेदी करताना १० हजार रुपये गुंतवले असते तर तुम्हाला दहापट जास्त परतावा मिळाला असता. म्हणजे तुमचे दहा हजार रुपये दहा लाख रुपये झाले असतील.
Multibagger Stock: हा शेअर आहे, की पैसे छापायची मशीन? टाटांच्या स्टॉकचे छप्परफाड रिटर्न; तुम्ही घेतला का?
टायटन कंपनी लिमिटेड काय करते
टायटन कंपनी दागिने आणि चष्म्यासारखी उत्पादने बनवते. कंपनीच्या तिमाही निकालात घसरण होऊनही शेअरच्या किमती वाढ होत आहेत. जून तिमाहीत कंपनीचा निव्वळ नफा ७५३ कोटी रुपये नोंदवला, जो गेल्या वर्षीच्या तुलनेत ४% कमी आहे.
दौडा दौडा भाग भागसा! एका दिवसात शेअर सुसाट; तब्बल ५,९६,४८८ रुपयांची वाढ, गुंतवणूकदार मालामाल
एवढेच नाही तर कंपनीचा महसूल ११ हजार ८९७ कोटी रुपये होता, ज्यात गेल्या वर्षीच्या तुलनेत २६% वाढ झाली. गेल्या पाच दिवसांतच या कंपनीच्या शेअरमध्ये वाढ झाली असून सहा महिन्यांपूर्वी कंपनीचा शेअर २४६८ रुपयांवर व्यवहार करत होता, जो आता २९०० रुपयांवर पोहोचला आहे. या वर्षाच्या सुरुवातीला २ जानेवारीला टायटनचा शेअर २५६५ रुपयांवर व्यवहार करत होता. तर १० ऑगस्ट २०२२ रोजी कंपनीचा स्टॉक २४३३ वर होता.
(टीप: शेअर बाजारातील गुंतवणूकीत जोखीम असते म्हणून गुंतवणुक करण्यापूर्वी आर्थिक सल्लागाराची मदत घ्या)
