ब्राझिलीया: बलात्कार पीडित महिलांसाठी गर्भपाताच्या परवानगीच्या अनुषंगाने नवीन नियम तयार आले आहेत. या नवीन नियमांमुळे ब्राझीलचे राष्ट्रपती जायर बोल्सनारो पुन्हा एकदा चर्चेत आले आहेत. बलात्कार पीडितेला आपल्यावर बलात्कार झाला आहे हे सिद्धच करावे लागणार आहे. अन्यथा तिच्या विरोधात फसवणूक करणे आणि अवैधपणे गर्भपात करण्याच्या गुन्ह्याखाली खटला चालवला जाऊ शकतो.

ब्राझीलमध्ये अपवादात्मक परिस्थितीमध्येच गर्भपात करण्याची परवानगी दिली जाते. बलात्कारामुळे झालेली गर्भधारणा, महिलेच्या प्राणास धोका निर्माण होत असेल अथवा जन्माला येणाऱ्या मुलामध्ये काही मानसिक जन्म दोष निर्माण होण्याची स्थिती असेल तेव्हाच गर्भपात करण्याची परवानगी दिली जाते. सरकारमधील हंगामी आरोग्य मंत्री आणि लष्कराचे जनरल एडुआर्डो पजुएलो यांनी नवीन नियम जारी केले आहेत. या नव्या नियमांची घोषणा होताच लोकांमध्ये नाराजीचे वातावरण असून जोरदार विरोध सुरू झाला आहे. या नव्या नियमांनुसार, महिलांची इच्छा असली किंवा नसली तरी बलात्काराची माहिती पोलिसांना देणे बंधनकारक आहे. पीडित महिलेला तिच्यावर ओढवलेल्या प्रसंगाची सर्वच माहिती द्यावी लागणार आहे. संबंधित पीडित महिला आपल्यावर बलात्कार झाला आहे हे सिद्ध करण्यास असमर्थ ठरल्यास तिच्याविरोधात फसवणूक आणि बेकायदेशीरपणे गर्भपात करण्याच्या गुन्ह्याखाली खटला चालवण्यात येणार आहे. नवीन नियमांमुळे कायदेशीरदृष्ट्या गर्भपात करू महिलांसाठी एक अडथळा निर्माण होणार आहे. त्याशिवाय, महिलांविरोधात मनोवैज्ञानिक हिंसाचाराचे कारण होऊ शकते असा आरोप खासदार डॉक्टर जंदिरा फागली यांनी म्हटले. या नव्या नियमांविरोधात आपण विधेयक सादर करणार असल्याचे त्यांनी सांगितले.

वाचा:

एका अल्पवयीन मुलीवर तिच्याच नात्यातील एका व्यक्तीने बलात्कार केला होता. त्यानंतर एस्पिरिटो सँटो या राज्याने त्या मुलीला गर्भपात करण्याची परवानगी नाकारली होती. त्यानंतर या मुलीने उत्तर ब्राझीलमधील रेसिफ शहरात जाऊन गर्भपात करावा लागला. त्या ठिकाणीही काही कट्टरतावादी, उजव्या विचारसरणीच्या लोकांनी याविरोधात आंदोलन केले होते. या मुलीच्या गर्भपाताबाबत आंदोलनकर्त्यांना माहिती देणारी महिला सारा विंटर ही राष्ट्रपतींची समर्थक असल्याची माहिती समोर आली आहे. सारा विंटर ही महिला मंत्री डॅमारेस एल्वेस यांची निकटवर्तीय समजली जाते. त्याशिवाय ती पादरीदेखील आहे.

आणखी वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here