राहुल द्रविडचे उत्तराधिकारी
या उत्कृष्ट कोचिंग तंत्रामुळेच सितांशु कोटक यांना भारत अ संघाचे मुख्य प्रशिक्षक म्हणून प्रतिष्ठेचे स्थान मिळाले, जे दिग्गज राहुल द्रविड यांचे उत्तराधिकारी असणार आहेत. आशिया चषक आणि एकदिवसीय विश्वचषक पाहता वर्कलोड मॅनेजमेंट अंतर्गत प्रशिक्षक राहुल द्रविड यांनाही विश्रांती देण्यात आली आहे. व्हीव्हीएस लक्ष्मण उदयोन्मुख शिबिरावर देखरेख करण्यात व्यस्त असल्याने, आयर्लंड दौऱ्यावरील ही टी-२० मालिका सितांशु कोटक यांच्या कोचिंग कारकिर्दीतील मैलाचा दगड ठरू शकते.
भारताचा आयर्लंड दौरा
१८, २० आणि २३ ऑगस्ट रोजी मलाहाइडमध्ये तीन टी-२० सामने खेळवले जातील. संघाचे नेतृत्व करणाऱ्या जसप्रीत बुमराहच्या बहुप्रतिक्षित पुनरागमनामुळे या मालिकेला खूप महत्त्व असणार आहे. लक्ष्मणने यांनी यापूर्वी भारतीय संघासोबत चीफ ऑफ सपोर्ट स्टाफ म्हणून गेल्या वर्षी आयर्लंडच्या टी-२० दौऱ्यावर तसेच झिम्बाब्वेचा एकदिवसीय दौरा आणि दक्षिण आफ्रिकेविरुद्धच्या घरच्या मालिकेत प्रवास केला होता. नोव्हेंबर २०२२ मध्ये न्यूझीलंडच्या पांढऱ्या चेंडूच्या दौऱ्यावर लक्ष्मण भारतीय संघाचे मुख्य प्रशिक्षकही होते. भारत आणि आयर्लंड यांच्यात जून २०२२ मध्ये शेवटची दोन सामन्यांची टी-२० मालिका खेळली गेली होती, ज्यामध्ये हार्दिक पांड्याच्या नेतृत्वाखाली पाहुण्या संघाने २-० ने मालिका जिंकली होती.
