नागपूर: उपराजधानी भोवती विषाणूचा विळखा आता नव्या वेगाने वाढत चालला आहे. जून पर्यंत दशकाने वाढत असलेला प्रादुर्भाव आता दररोज हजारोंच्या घरात गेला आहे. ही प्रादुर्भाव साखळी इथवरच थांबलेली नसून मृत्यूनेही आपला तीन दशकांचा वेग कायम ठेवला आहे. यात नव्या १२२७ बाधितांची तर पुन्हा ३४ जणांच्या मृत्यूची नोंद सोमवारी घेण्यात आली. त्यामुळे आजवर विषाणूने गाठलेल्यांचा आकडा आता ३० हजाराच्या जवळ जाऊन पोचला आहे. तर या विषाणूला आतापर्यंत १ हजार ४५ जण बळी पडल्याची दखलही आरोग्य विभागाने घेतली आहे. ( )

वाचा:

शहर आणि ग्रामीण भागात करोनाचे मृत्यूसत्र थांबलेले नाही. या मृत्यूंवर नियंत्रण मिळवण्यात सरकारी आणि खासगी यंत्रणा सपशेल अपयशी ठरत आहे. २४ तासांत मेडिकलमध्ये २६ मृत्यूंची नोंद घेतली गेली. तर मेयो आणि खासगीत प्रत्येकी ७ असे १४ जणांनी उपचारादरम्यान अखेरचा श्वास घेतला. त्यामुळे मृत्यू संख्या १०४५ झाली आहे. दर दिवसाला बाधितांचा आकडा भयावह स्थितीत वाढत आहे. सोमवारी दिवसभरात जिल्ह्यात नव्या १,२२७ करोनाग्रस्तांची भर पडल्याने बाधितांची संख्या २९ हजार ५५५ झाली आहे. यातील सर्वाधिक ७७ टक्के रुग्ण शहरातील आहेत. तर ६ हजार ४१७ रुग्ण जिल्ह्याच्या १३ तालुक्यांमधील रहिवासी आहेत. याखेरीज विदर्भातील अनेक भागांमधून उपचाराला आलेल्या २८० रुग्णांना मेयो, मेडिकलमध्ये रेफर करण्यात आले होते.

वाचा:

नव्याने करोनाची बाधा झाल्याचे निदान झालेल्यांपैकी ६४५ नमुने अँटिजन रॅपिड टेस्टमधून पॉझिटिव्ह आले. तर २५६ नमुन्यांचा अहवाल खासगीतून पॉझिटिव्ह आला. या खेरीज एम्सच्या लॅबमधून ७८, मेडिकलधून ७४, माफ्सूतून ७३, निरीतून ५१ आणि मेयोतून ५० जणांच्या घशातील स्त्राव नमुन्यांमध्ये करोनाचा अंश आढळला. जिल्ह्यात आत २५६४ जणांच्या स्त्राव नमुन्यांचा अहवाल निगेटिव्ह आला.

जिल्ह्यात रोज हजारावर बाधितांची भर पडत असतानाच दिवसाला दगावणाऱ्या कोरोना बाधितांची संख्या सरासरी ३० ते ४० इतकी कायम आहे. सद्या शहरात कोरोनाचे ६ हजार ९०३ तर ग्रामीण भागात २ हजार ३६३ सक्रीय रुग्ण आहेत. सर्वाधिक ५ हजार ८१२ रुग्णांवर गृह विलगिकरणात उपचार सुरू आहेत. तब्बल २ हजार २७७ जणांवर विविध शासकीय व खासगी कोविड रुग्णालये, कोविडड केअर सेंटरमध्ये उपचार सुरू आहेत. सर्वाधिक रुग्ण मेडिकल, मेयो रुग्णालयांत दाखल आहेत.

वाचा:

मृतदेह हटवण्यास होतो विलंब

शहरात दररोज सरासरीने ३० ते ३५ मृत्यू होत आहेत. सहा महिन्यांपासून मेयो-मेडिकलमधील चतुर्थश्रेणी कर्मचारी मृतदेह उचलून ते शवागारात पोहचवण्याच्या काम करतात. मात्र अलिकडे करोनाने रुग्ण दगावल्यानंतर तो मृतदेह शवागारात पोहचवण्यास विलंब होतो. आठ तासांमध्ये दहा ते बारा मृतदेह कोविड हॉस्पिटलपासून स्ट्रेचरवरून शवागारात ओढत नेण्याचे जिकरीचे कर्मचारी करतात. येथील मेडिकल आणि मेयो या दोन्ही रुग्णालयांमध्ये सध्या अत्यवस्थ संवर्गातील बाधित वाढल्याने उपचारादरम्यान होणारे मृत्यू वाढले आहेत. दररोज मोठ्या संख्येने बाधितांच्या एक्सरेसह इतर तपासण्यांचा भार आहे. त्यामुळे डॉक्टरांसह चतुर्थश्रेणी कर्मचाऱ्यांवर कामाचा ताण आहे. रविवारी दुपारनंतर अतिदक्षता विभागात दोन ते तीन बाधितांचे मृत्यू झाले. मृतदेह हलवले जात नसल्याने इतर रुग्णांमध्ये भिती निर्माण झाली होती.

सोमवारची स्थिती

पॉझिटिव्ह-१२२७
करोनामुक्त- १२२३
एकूण पॉझिटिव्ह-२९५५५
जिल्ह्यातील पॉझिटिव्ह-६४१७
जिल्ह्यातील सक्रिय बाधित-९२६६
निगेटिव्ह- २५६४

वाचा:

Marathi News: मराठी बातम्या, Latest News in Marathi, Breaking Marathi News, Marathi News Paper | Maharashtra Times

LEAVE A REPLY

Please enter your comment!
Please enter your name here