प्राथमिक माहितीनुसार गॅरेजमध्ये लागलेल्या आगीनंतर ही आग गॅस स्टेशनजवळ पोहोचली होती. त्यात ३० जणांचा मृत्यू झाला आहे. तर, १०० हून अधिक जण जखमी झाले आहेत.सोमवारी रात्री एका गॅरेजमध्ये आग लागली होती. त्यानंतर ती आग गॅस स्टेशनपर्यंत पोहोचल्याची प्राथमिक माहिती आहे. स्थानिक माध्यमांच्या रिपोर्टसनुसार शोधकार्य आणि बचावकार्य सुरु आहे. आपत्कालीन सेवांच्या कर्मचाऱ्यांकडून बचावकार्य देखील सुरु करण्यात आलं होतं.
गॅस स्टेशनला आग लागून घडलेल्या दुर्घटनेत ३० जणांचा मृत्यू झाला असून त्यामध्ये लहान मुलांचा समावेश आहे. रशियाच्या आपत्कालीन मंत्रालयाच्या माहितीनुसार १०५ जण जखमी झाले असून ३० जणांचा मृत्यू झाला आहे. बचावकार्य सुरु असल्यानं मृतांची संख्या देखील वाढू शकते, अशी भीती व्यक्त करण्यात आली आहे.
Monsoon 2023 : राज्यात पुढचे १० दिवस पावसाची स्थिती कशी असणार, मान्सूनचं कमबॅक कधी होणार, तज्ज्ञ म्हणतात..
गॅरेज आणि गॅस स्टेशनला लागलेल्या आगीची चौकशी करण्यासाठी समिती स्थापन करण्यात आली आहे. प्राथमिक अहवालानुसार गॅस स्टेशनवरील आठ टँक पैकी दोन टँकचा स्फोट झाला.
रशियाचे अध्यक्ष व्लादिमीर पुतीन यांनी या घटनेबद्दल शोक व्यक्त केला आहे. तर, स्थानिक सरकारनं एक दिवसाचा दुखवटा देखील जाहीर केला आहे.
अजित पवारांबाबत राज्यात कुठेच होत नसलेली चर्चा बारामतीत सुरू; दादा दीड महिना झाले फिरकले नाहीत
१०५ जण जखमी
सुरुवातीला या घटनेत १२ जणांचा मृत्यू झाल्याचं सांगण्यात येत होतं. मात्र, नंतर मिळालेल्या माहितीनुसार ३० जणांचा मृत्यू झाला असून १०५ जण जखमी झालेले आहेत. यातील बरेच जण भाजले असल्यानं मृतांची संख्या वाढण्याची भीती व्यक्त केली जात आहे. ही घटना कशी घडली याचा शोध घेण्यासाठी चौकशी सुरु करण्यात आली असून दोषींवर कारवाई होणार का हे पाहावं लागेल.
मविआतून राष्ट्रवादीला वगळून लढण्याच्या प्लॅन बीच्या चर्चा, ठाकरे समर्थक खासदारानं सगळं स्पष्ट केलंं, म्हणाले..
