लंडन: उत्तर इंग्लंडमधील एका रुग्णालयात काम करणाऱ्या एका भारतीय वंशाच्या डॉक्टरमुळे चिमुकल्यांचा जीव घेणारी नर्स गजाआड गेली आहे. रवी जयराम असं डॉक्टरांचं नाव आहे. याबद्दल आधीच कल्पना दिली होती. नर्सच्या कामाबद्दल चिंता व्यक्त केली होती. त्याकडे लक्ष दिलं असतं, पोलिसांना माहिती दिली असती, तर नवजात अर्भकांचा जीव वाचला असता, अशा भावना जयराम यांनी व्यक्त केल्या.मॅचेस्टर क्राऊन न्यायालयानं ३३ वर्षीय नर्स लुसी लेटबीला सात नवजात बालकांची हत्या आणि सहा अन्य बालकांच्या हत्या प्रकरणात दोषी ठरवलं. या निकालानंतर जयरान यांनी एका वृत्तवाहिनीशी संवाद साधला. चार ते पाच मुलांचा वाचवता आलं असतं. ती मुलं आज शाळेत जात असती, पण ती मुलं आज या जगात नाहीत, अशी भावनिक प्रतिक्रिया जयराम यांनी दिली.२०१५ मध्ये तीन चिमुकल्यांच्या मृत्यूनंतर डॉक्टरांनी चिंता व्यक्त केली होती. त्यानंतर आणखी काही बालकांचा मृत्यू झाला. मग वरिष्ठ डॉक्टर हवालदिल झाले. त्यांनी लेटबीबद्दल चिंता व्यक्त केली. यानंतर रुग्णालयाच्या वरिष्ठांसोबत अनेक बैठका झाल्या. एप्रिल २०१७ मध्ये राष्ट्रीय आरोग्य सेवा ट्रस्टनं डॉक्टरांना एका पोलीस अधिकाऱ्याला भेटायची परवानगी दिली.’पोलीस अधिकाऱ्यानं आम्ही सांगितलेला घटनाक्रम १० मिनिटं ऐकला. त्यांना गांभीर्य लक्षात आलं. यानंतर तपास सुरू झाला. लेटबीला अटक झाली. २०१५ ते २०१६ दरम्यान नवजातांच्या वॉर्डमध्ये १३ मुलांना संपवण्यासाठी लेटबीनं विविध मार्ग वापरल्याचं ब्रिटनच्या क्राऊन प्रोसीक्सूशन सर्व्हिसनं सांगितलं,’ अशी माहिती जयराम यांनी दिली.लेटबीनं बाळांच्या रक्त प्रवाहात हवा मिसळण्याचं, नॅसोगॅस्ट्रिक ट्यूबच्या माध्यमातून त्यांच्यापोटात हवा भरण्याचं कृत्य केलं. तिनं जाणूनबुजून बाळांच्या आरोग्याशी खेळ केला. बाळांचा जीव घेण्यासाठी लेटबी सगळं करत असल्याचं तपासातून स्पष्ट झालं. पण सुरुवातीला तिनं या सगळ्या घटना नैसर्गिक असल्याचं दाखवलं. बाळांचे मृत्यू नैसर्गिक भासवण्याचा प्रयत्न तिनं केला.
