यापूर्वी पोलिसांनी सना खान यांच्या मृतदेहाची विल्हेवाट लावणाऱ्या महेंद्र यादवला अटक केली होती. सना खान यांचा मृतदेह अजून सापडलेला नाही. अमित साहूला भेटायला त्या १ ऑगस्ट रोजी जबलपूरला गेल्या होत्या. त्यानंतर १ ऑगस्टला त्यांच्यात भांडण झालं. तेव्हापासून सना खान गायब होत्या. दरम्यान, अमित साहू पोलिसांना सहकार्य करत नसल्यामुळे तपासात अडथळे येत आहेत. मात्र, महेंद्र यादव आणि राजेश सिंगला अटक केल्यामुळे बरीच माहिती उघड होण्याची शक्यता आहे.
I am very much safe! ज्या नर्मदेवरुन सना खानने केलेलं फेसबुक लाईव्ह, त्याच नदीत आता बॉडी
सना खान खून प्रकरणात पोलिसांनी मुख्य आरोपी अमित उर्फ पप्पू शाहू आणि त्याचा एक साथीदार राजेश सिंग याला जबलपूर येथून नागपुरात आणले आहे. काल पीसीआर संपल्यानंतर दोन्ही आरोपींना न्यायालयात हजर केले असता त्यांना २२ ऑगस्टपर्यंत कोठडी सुनावण्यात आली. मात्र, आरोपी सातत्याने आपला जबाब बदलत असून पोलिसांची दिशाभूल करण्याचा प्रयत्न करत आहे. यापूर्वी आरोपीने खून करून मृतदेह हिरेन नदीत फेकून दिल्याचे सांगितले होते. मात्र आता तो चौकशीत आणखी वेगळाच तपशील सांगत असल्याने पोलिसांच्या अडचणी वाढल्या आहेत.
भाजप नेत्या सना खान हत्या प्रकरणाला धक्कादायक वळण; कुटुंबाच्या दाव्याने मृत्यूचे गूढ वाढले
हत्येला १७ दिवस उलटले तरीही मृतदेह सापडलेला नाही
सना खानच्या हत्येला १७ दिवसांहून अधिक काळ लोटला आहे, मात्र अद्याप भाजप नेत्याचा मृतदेह सापडलेला नाही. पोलीस मृतदेहाचा शोध घेत आहेत, मात्र अद्यापही मृतदेहाचा कोणताही सुगावा लागलेला नाही. अलीकडेच हरदा येथील एका विहिरीत एक मृतदेह आढळून आला होता, हा मृतदेह सना खानचा असल्याचे पोलिसांनी मानले होते. मात्र, मृतदेह पाहिल्यानंतर सनाच्या भावाने ती आपली बहीण नसल्याचे सांगितले. त्याचवेळी मृतदेहाची तपासणी करण्यासाठी नागपूरचे फॉरेन्सिकचे पथक जबलपूरला पोहोचले गेले होते. दुसरीकडे, मृतदेह सनाचा आहे की नाही, याची डीएनए चाचणी करण्याचा निर्णय पोलिसांनी घेतला आहे.
