चांद्रयानाच्या लँडिंगचं प्रक्षेपण कुठं पाहणार?
चांद्रयानाचं लँडिंग २३ ऑगस्टला सायंकाळी ६ वाजून ०४ मिनिटांनी चंद्रावर होणार आहे, अशी माहिती इस्त्रोनं दिली आहे. हे लँडिंग इस्त्रोच्या वेबसाइटवर आणि सोशल मीडिया प्लॅटफॉर्मवर पाहता येणार आहे, अशी माहिती देखील देण्यात आली आहे.
चांद्रयान ३ ची वैशिष्ट्ये
‘चांद्रयान ३’चे प्रक्षेपण १४ जुलै रोजी झाले होते. ‘चांद्रयान ३’ला चंद्राच्या कक्षेत पोचण्यासाठी २२ दिवसांचा कालावधी लागला होता. ‘चांद्रयान ३’चे प्रक्षेपणादरम्यानचे वजन ३९०० किलो होते. यात प्रोपल्शन मॉड्यूल आणि लँडर मॉड्यूल दोन्हींचा समावेश आहे. ‘चांद्रयान ३’चे प्रक्षेपण लाँच वेहिकल मार्क ३ (एलव्हीएम ३) या रॉकेटच्या साह्याने करण्यात आले. ‘एलव्हीएम ३’च्या साह्याने पृथ्वीनजीकच्या कक्षेत सर्वाधिक १० हजार किलो वजनाच्या उपग्रहाला प्रक्षेपित करता येते.
रशियाची मोहीम फसली
दरम्यान, रशियानं ४७ वर्षानंतर पहिल्यांदा चंद्रावर यान पाठवलं होतं. त्या यानाचं नाव लुना-२५ असं होतं. मात्र, अखेरच्या टप्प्यात त्यांच्या यानाचं क्रॅश लँडिंग झालं आहे. त्यामुळं रशियाला मोठा धक्का बसला आहे.
