पोलिसांनी दिलेल्या माहितीनुसार, मयूर याला जुगार व ऑनलाइन लॉटरीचे व्यसन असून त्याच्यावर कर्ज झाले. याशिवाय मैत्रिणींवर पैसे खर्च करण्यासाठीही त्याला पैशाची गरज होती. त्यामुळे त्याने एटीएममध्ये वृद्ध नागरिकांकडील एटीएम कार्डची अदलाबदील करायला सुरुवात केली. चोरीच्या एटीएम कार्डद्वारे पैसे काढून तो उधारी फेडायला लागला. ग्रामीणमध्ये अशाप्रकारच्या घटना वाढल्याने चोरट्याला जेरबंद करण्याचे निर्देश नागपूर ग्रामीणचे अधीक्षक राकेश ओला यांनी स्थानिक गुन्हेशाखा पोलिसांना दिले.
स्थानिक गुन्हेशाखेचे निरीक्षक अनिल जिट्टावार यांच्या नेतृत्वात सहाय्यक निरीक्षक जितेंद्र वैरागडे, उपनिरीक्षक नरेंद्र गौरखेडे, जावेद शेख, सचिन मत्ते, सायबर सेलचे सतीश राठोड, स्नेहलता ढवळे यांनी चोरट्याचा शोध सुरू केला. सापळा रचून मयूर याला अटक केली. त्याच्याकडून उमरेड व कन्हानमधील प्रत्येकी पाच, सावनेरमधील दोन तर पारशिवनी, कुही, खापरखेडा व कळमेश्वरमधील प्रत्येकी एक असे एकूण १६ गुन्हे उघडकीस आणले.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
