या मातीच्या शिल्पाप्रमाणेच हुबेहूब दगडांची शिल्प बनवण्यात येणार आहेत. रामायणातील तब्बल शंभर प्रसंग या शिल्पाच्या माध्यमातून साकारण्यात येणार आहेत. प्रभू श्रीराम यांच्या जन्माच्या प्रसंगापासून ते वनवास आणि प्रभू श्रीराम यांचा वनवास संपवून परतल्याच्या प्रसंगापर्यंत अनेक प्रसंग यात साकारण्यात आले आहेत.
“हे काम करण्याची मला संधी मिळाली हे मी माझे भाग्य समजतो, माझ्यावर असलेली जी जबाबदारी फार मोठी असून ती नीटपणे पार पाडणे हे महत्त्वाचे आहे,” अशी भावना शिल्पकार प्रमोद कांबळे यांनी व्यक्त केली.
हे शिल्प बनवताना ते सात्त्विक भावनेतून बनवावे यासाठी शिल्पकार प्रमोद कांबळे यांनी अनेक पथ्य देखील पाळली. सुरुवातीला हे शिल्प वेगवेगळ्या कलाकारांकडून बनवून घेतली जाणार होती मात्र त्या प्रसंगातील प्रत्येक शिल्पात एकसारखेपणा असावा म्हणून एकाच कलाकाराकडून हे काम करण्याचे ठरले. त्यानुसार प्रमोद कांबळे यांच्या स्टुडिओत या कामाला सुरुवात करण्यात आली आहे.
प्रभू श्रीरामाच्या मूर्तीची प्रतिष्ठापना पंतप्रधान नरेंद्र मोदी यांच्या हस्ते होणार आहे. श्रीरामाच्या मूर्तीच्या प्राणप्रतिष्ठापनेसाठी २१,२२ आणि २३ जानेवारी या तीन तारखा निश्चित करण्यात आल्या आहेत.
Chandrayaan 3 प्रक्षेपणापूर्वी शास्त्रज्ञांचे शिर्डीत प्रतिकृती पूजन, संस्थानाचा गौप्यस्फोट
