राहुल रमणलाल गंगवाल (वय ४५ वर्षे) असं आत्महत्या केलेल्या व्यापाऱ्याचं नाव आहे. टोकाचं पाऊल उचलण्यापूर्वी राहुल गंगवाल यांनी घराशेजारी असलेल्या सर्व मंदिरांचं दर्शन घेतलं. दोन्ही मुलींना शाळेत सोडलं. मित्रपरिवाराशी गप्पा मारल्या. यानंतर पत्नीला मुलींचा जेवणाचा डबा देण्यासाठी शाळेत पाठवून राहुल यांनी राहत्या घरात दोरीच्या सहाय्यानं गळफास घेऊन आयुष्य संपवलं.
लिफ्ट अडकली, आजोबा बेचैन; सहाव्या मजल्यावर उडी मारताना तोल गेला अन् मग…राहुल यांचं इलेक्ट्रॉनिक व इलेक्ट्रॉनिक साहित्य विक्री करण्याचं होलसेल दुकान आहे. ते या व्यवसायात अनेक वर्षांपासून काम करत होते. त्यांच्यानंतर दोन मुली आणि पत्नी असा परिवार आहे. शुक्रवारी त्यांनी घराच्या परिसरात असलेल्या सर्व मंदिरांचं दर्शन घेतलं. त्यानंतर दोन्ही मुलींना शाळेत सोडवण्यासाठी गेले. घरी येत असताना परिसरातील सर्व नागरिकांशी गप्पादेखील मारल्या.
अकरा वाजता त्यांनी पत्नीला दोन्ही मुलींचा डब्बा देण्यासाठी शाळेत पाठवले. यावेळी राहुल घरी एकटेच होते. दरम्यान काही वेळाने पत्नी घरी आली असता घराचा दरवाजा उघडला नाही. आवाज देऊनही प्रतिसाद येत नसल्यामुळे दरवाजा तोडून बघितला असता राहुल यांचा मृतदेह घराच्या दुसऱ्या मजल्यावर दोरीच्या मदतीनं गळफास घेतलेल्या अवस्थेत सापडला. शेजाऱ्यांच्या मदतीनं त्यांना तात्काळ घाटी रुग्णालयात दाखल करण्यात आले असता डॉक्टरांनी तपासून मृत घोषित केल. राहुल यांनी आत्महत्या का केली याचं कारण अद्याप समजू शकलेलं नाही. याप्रकरणी सिडको पोलीस ठाण्यामध्ये अकस्मात मृत्यूची नोंद करण्यात आली असून पुढील तपास सहाय्यक फौजदार देविदास राठोड करत आहेत.
देवाला तरी घाबरा रे! दानपेटीत १०० कोटींचा चेक; मंदिर प्रशासन बँकेत, सत्य समजताच धक्काच बसला
राहुल गंगवाल यांच्या आत्महत्येमुळे व्यापाऱ्यांमध्ये एकच खळबळ उडाली आहे. राहुल यांच्या पक्षात दोन मुली आणि पत्नी असा परिवार आहे. राहुल यांच्या मृत्यूनंतर परिसरात हळहळ व्यक्त होत आहे. राहुल यांना व्यवसायात काही नुकसान झालं होतं का? त्यांना काही अडचणी होत्या का? याचा तपास पोलीस करत आहेत.
