मुंबई: प्रकरणात काही वृत्तवाहिन्या व काही मंडळींकडून जाणीवपूर्वक मुंबई पोलिसांना लक्ष्य करण्यात येत असल्याच्या विरोधात निवृत्त आयपीएस अधिकाऱ्यांनी उच्च न्यायालयात धाव घेतली आहे. राज्याचे गृहमंत्री यांनी अधिकाऱ्यांच्या या भूमिकेचं स्वागत केलं आहे.

‘काही प्रसारमाध्यमांकडून खोट्या, चुकीच्या, निराधार व मुंबई पोलिस दलाची बदनामी करणाऱ्या बातम्या प्रसारित केल्या जात असून त्याला प्रतिबंध करावा’, अशी विनंती निवृत्त आयपीएस अधिकाऱ्यांनी एका याचिकेद्वारे न्यायालयाला केली आहे. राज्याचे माजी पोलिस महासंचालक एम. एन. सिंग, पी. एस. पसरिचा, डी. के. शिवानंदन, संजीव दयाळ, सतीश माथुर व के. सुब्रमण्यम तसेच माजी मुंबई पोलिस आयुक्त डी. एन. जाधव व माजी अतिरिक्त पोलिस महासंचालक के. पी. रघुवंशी यांचा याचिकाकर्त्यांमध्ये समावेश आहे.

वाचा:

गृहमंत्री अनिल देशमुख यांनी अधिकाऱ्यांनी घेतलेल्या या भूमिकेचं स्वागत केलं आहे. ते ‘एएनआय’ या वृत्तसंस्थेशी बोलत होते. मुंबई पोलिसांच्या कामगिरीचे कौतुक करताना देशमुख यांनी दलाची तुलना स्कॉर्टलँड यार्डच्या पोलिसांशी केली. ते म्हणाले, ‘महाराष्ट्र व मुंबई पोलिसांची एक वेगळी प्रतिष्ठा आहे. येथील पोलिसांची स्कॉर्टलँड यार्डच्या पोलिसांशी तुलना केली जाते. मात्र, सुशांतसिंह प्रकरणात मुंबई पोलिसांना ज्या पद्धतीनं विनाकारण लक्ष्य केलं जात आहे, ते चुकीचं आहे. निवृत्त आयपीएस अधिकाऱ्यांनी न्यायालयात दाखल केलेल्या जनहित याचिकेचं मी स्वागत करतो.’

वाचा:

Maharashtra News, Latest Maharashtra News in Marathi, ‎महाराष्ट्र ठळक बातम्या | Maharashtra Times

LEAVE A REPLY

Please enter your comment!
Please enter your name here