नागपूर: हिंगोलीतील सभेत उद्धव ठाकरेंनी उपमुख्यमंत्री देवेंद्र फडणवीस यांच्यावर केलेल्या टीकेमुळे भाजप नेते संतापले आहेत. उद्धव ठाकरे यांनी देवेंद्र फडणवीस यांच्याबाबत केलेल्या वक्तव्याला उत्तर देताना भाजपचे प्रदेशाध्यक्ष चंद्रशेखर बावनकुळे म्हणाले की, महाराष्ट्राचे मुख्यमंत्री म्हणून देवेंद्रजींनी सक्षमपणे काम केले आहे. पण उद्धव ठाकरे त्यांच्या अडीच वर्षांच्या कार्यकाळात देवेंद्र फडणवीस यांची बरोबरी करू शकले नाहीत, म्हणूनच ते अशी बेताल टीका करतात. उद्धव ठाकरेंनी मर्यादा सोडली तर भाजप आपली मर्यादा सोडेल. मुंबईत असा उद्रेक होईल, तो आम्ही रोखू शकणार नाही, असा थेट इशारा भाजपचे प्रदेशाध्यक्ष चंद्रशेखर बावनकुळे यांनी दिला आहे.
रामदास आठवलेंचे खळबळजनक वक्तव्य; म्हणाले – आरपीआयशिवाय महायुतीला निवडून येणं अशक्य
बावनकुळे म्हणाले की, ज्या व्यक्तीने तुम्हाला भावाप्रमाणे प्रेम दिले. त्यांचा तुम्ही फक्त अपमान करतात. असभ्य बोलल्याने आम्हाला त्रास होतो. ते पुढे म्हणाले की, उद्धव ठाकरे हे सरकार आणि पदाच्या द्वेषातून सूडाच्या भावनेने अशा गोष्टी करतात. त्यामुळे लोक त्यांना रोज सोडून जात आहेत. आता ते पुन्हा सत्तेत येणार नाहीत हे उद्धव यांना माहीत आहे. अशा प्रकारच्या टीका केल्यास भाजप कार्यकर्त्यांचा रोष भडकू शकतो, असा इशारा बावनकुळे यांनी दिला. मुंबईत लोक रस्त्यावर उतरणार. त्यामुळे कायदा आणि सुव्यवस्था बिघडू शकते. ‘ईट का जवाब पत्थर से’ द्यायचे ठरवले तर राज्यातील परिस्थिती वेगळी असेल.

कोणाला पहिल्या धारेची पचते, कोणाला अख्खा खंबा, मी अजून दारूला स्पर्श ही केला नाही : अजित पवार

चंद्रशेखर बावनकुळे म्हणाले की, महाराष्ट्राने शांत राहावे, असे आमचे मत आहे. महाराष्ट्रात कोणताही अनुचित प्रकार घडू नये. महाराष्ट्रात आमचे सरकार असल्याने कायदा आणि सुव्यवस्था हातात घेऊ नये. उद्धव ठाकरे यांनी आपली मर्यादा सोडली तर मुंबईत त्याचे पडसाद दिसून येतील. भाजप प्रदेशाध्यक्ष पुढे म्हणाले की, “ज्यांनी अडीच वर्षे घरी बसून कोरोनाच्या काळात महाराष्ट्राला वाऱ्यावर उडवले, ज्यांनी गेल्या महिन्यात १५ दिवसांच्या परदेश दौऱ्यावर जाऊन सुट्टीचा आनंद लुटला, ते देवेंद्र फडणवीस यांच्या जपान दौऱ्यावर टीका करत आहेत. उद्धव ठाकरे हे जनमानसात मोठे झाले नाहीत, तर ते सोन्याच्या चमच्याने बदामाचे दूध पिऊन मोठे झाले. अडीच वर्षे सरकार चालवून देवेंद्र फडणवीस यांच्यापेक्षा मी उंची गाठू शकलो नाही, याची खंत उद्धव ठाकरेंना असेल. त्यामुळे ते फडणवीसांबद्दल गलिच्छ भाषेत बोलत आहेत. असे केल्याने ते त्यांची उंची देखील कमी करत आहेत.

LEAVE A REPLY

Please enter your comment!
Please enter your name here