Tire Of The Car Burst Driver Lost Control Car Plunged Directly Into The Water Of Khadakvasla Dam;रक्षाबंधनासाठी जात असताना कारचा टायर फुटला, गाडी खडकवासला धरणात बुडाली

मी उद्धव ठाकरेंना निरोप दिलाय, ते माझा मेसेज इंडियाच्या बैठकीत देतील : प्रकाश आंबेडकर
याबाबत अधिक माहिती अशी की, नांदेड सिटी येथे राहणारे सोमनाथ पवार हे बुधवारी सायंकाळी सातच्या सुमारास रक्षाबंधनासाठी पत्नी अर्चना, मुलगा प्रद्युम्न, मुलगी संस्कृती व बहीण सुनीता नारायण शिंदे यांसह कारने पानशेत या आपल्या मुळ गावी जात होते. कुरण बुद्रुक गावच्या हद्दीत माऊलाई मंदिराजवळ अचानक पवार यांच्या कारचे उजव्या बाजूचे टायर फुटल्याने त्यांचे कारवरील नियंत्रण सुटले. त्यामुळे भरधाव वेगात असलेली कार थेट खडकवासला धरणाच्या पाण्यात कोसळली.

गाडी जोरात धरणात कोसळल्याने आवाज ऐकून आजूबाजूला असलेले स्थानिक मदतीसाठी घटनास्थळी धावले. त्यानंतर कारमध्ये असलेल्या चार ते पाच लोकांना त्यांना बाहेर काढले. पण बारा वर्षांची संस्कृती कारमध्येच अडकली होती. कार पाण्यात बुडाल्याने तिला बाहेर काढण्यासाठी शर्थीचे प्रयत्न करावे लागले. रात्री उशिरा कार बाहेर काढण्यात आली. त्यात संस्कृतीचा मृतदेह आढळला. पोलिसांनी या प्रकरणात आक्समात मृत्यूची नोंद केली आहे.

आईच्या पार्थिवाला लेकींनी खांदा दिला, घिसाडी समाजातील प्रथेला मूठमाती
पुणे-पानशेत रस्त्यावर धोकादायक वळणे व सुरक्षेबाबत उपाययोजना नाहीत. त्यामुळे अपघात झाल्यानंतर वाहने खडकवासला धरणाच्या पाण्यात कोसळून नागरिकांचा मृत्यू होण्याचे प्रमाण वाढू लागले आहे. प्रशासनाने याबाबत उपाययोजना करणे गरजेचे असल्याचे स्थानिक नागरिकांचे म्हणणे आहे.