Adani Group Stock Price Crash after OCCRP Report; गौतम अदानींवर नवीन संकट, बाजार उघडताच Adani समूहाचे शेअर्स गडगडले; पाहा सद्यस्थिती

अदानींचं टेन्शन वाढलं, स्वतःचेच शेअर्स गुपचूप खरेदीचा आरोप, जाणून घ्या सविस्तर तपशील
अदानी समूहाचे शेअर्स धडाम
OCCRP अहवालानंतर शेअर बाजारातील गुरुवारच्या सुरुवातीच्या सत्रात अदानी एंटरप्रायझेस, अदानी पोर्ट्स, अदानी ग्रीन एनर्जी, अदानी टोटल गॅस आणि अदानी एनर्जी सोल्युशन्ससह अदानी समूहाचे शेअर्स ४% पर्यंत कोसळले. अदानी समूहाची प्रमुख कंपनी, अदानी एंटरप्रायझेसचे स्टॉक्स २.०२% घसरून २,४६२.९० रुपयांवर आले असताना काही रिकव्हरी करण्यापूर्वी सुरुवातीच्या सत्रात स्टॉक ४.४% पर्यंत आपटला.

अदानी पोर्ट्स १.६४% घसरून ८०५.५५ रुपयांवर आला तर अदानी पॉवर १.८४ टक्के, अदानी एनर्जी १.८७ टक्के, अदानी ग्रीन एनर्जी, अदानी टोटल गॅस आणि अदानी विल्मार देखील २.२% पर्यंत घसरले. तसेच सिमेंट उत्पादक एसीसी आणि अंबुजा सिमेंट्स प्रत्येकी १% आणि NDTV शेअरमध्ये ०.२% पडझड झाली.

Gautam Adani News: गौतम अदानींनी पुन्हा विकले ८,७०० कोटींचे शेअर, जाणून घ्या का आली अशी वेळ
अदानी समूहाकडून आरोपांचे खंडन
दरम्यान, अदानी समूहाने एक निवेदन जारी करून सर्व आरोप फेटाळले आहेत. समूहाने म्हटले की ही सोरोसला पाठिंबा देणाऱ्या संघटनांची कृती असल्याचे दिसते. हिंडनबर्ग अहवालाचे पुनरुज्जीवन व्हावे म्हणून परदेशी प्रसारमाध्यमांचा एक भागही याला वाव देत असून हे दावे एका दशकापूर्वी बंद झालेल्या प्रकरणांवर आधारित आहेत.

हिंडेनबर्गने पार बुडवले, एक गौप्यस्फोट आणि तीन अब्जाधीशांचे ₹ ८१,९७,०२,१८,००,००० चे नुकसान
त्यावेळी DRI ने ओव्हर इनव्हॉइसिंग, परदेशात निधी हस्तांतरित करणे, संबंधित पक्ष व्यवहार आणि एफपीआयद्वारे गुंतवणूक या आरोपांची चौकशी केली होती. एका स्वतंत्र न्यायाधिकरणाने आणि अपीलीय न्यायाधिकरणाने पुष्टी केली की कोणतेही अति-मूल्यांकन नव्हते आणि व्यवहार कायद्यांनुसार होते. मार्च २०२३ मध्ये सर्वोच्च न्यायालयाने आमच्या बाजूने निर्णय दिला, त्यामुळे हे सर्व आरोप निराधार आहेत.

(नोट: शेअर बाजारातील गुंतवणूक जोखमींवर आधारित असते. शेअर मार्केटमध्ये गुंतवणूक करण्यापूर्वी तुमच्या आर्थिक सल्लागाराचा सल्ला नक्की घ्या. तुमच्या आर्थिक नुकसानीस महाराष्ट्र टाइम्स ऑनलाईन जबाबदार राहणार नाही.)