दरम्यान, या सर्व घडामोडींदरम्यान OCCRP काय आहे, त्याचा कर्ता कोण आहे? हे जाणून घेणेही महत्त्वाचे आहे. २००६ मध्ये स्थापित झालेली OCCRP संस्था पत्रकारांचा एक समूह असून त्याचे मुख्यालय अमेरिकेत आहे. जनतेसोबतच अब्जाधीश जॉर्ज सोरोस यांची कंपनी देखील OCCRP ला आर्थिक सहाय्य पुरवते. प्रसिद्ध हंगेरियन-अमेरिकन अब्जाधीश जॉर्ज सोरोस नेहमीच आपल्या वक्तव्यांमुळे चर्चेत राहतात. विशेषतः भारतीय उपखंडात होत असलेल्या राजकीय बदलांवर त्यांचे लक्ष असते.
काय आहे OCCRP? अदानी शेअर्सबाबत केला गौप्यस्फोट, काय आहेत आरोप? जाणून घ्या एका क्लिकवर
कोण आहेत जॉर्ज सोरोस
१९४० च्या दशकात जेव्हा हंगेरीमध्ये ज्यूंचा नरसंहार सुरू होता तेव्हा ८ वर्षीय मुलाने आपली ओळख लपवण्यासाठी बनावट आयडी बनवला. काही वर्षांनी तो मुलगा लंडनला पोहोचला जिथे त्याने रेल्वे स्टेशनवर हमाल तर हॉटेलमध्ये वेटर म्हणूनही काम केले. आज सुमारे ९३ वर्षीय त्या व्यक्तीचे नाव जॉर्ज सोरोस आहे. १९५६ मध्ये ते अमेरिकेला गेले जिथे त्यांनी शेअर मार्केटमध्ये पैसे गुंतवायला सुरूवात केली आणि त्यामधून मोठी कमाई करू लागले.
जोरोज सोरोस यांची संपत्ती किती
ब्लूमबर्ग अब्जाधीश निर्देशांकानुसार, जॉर्ज सोरोस यांची एकूण संपत्ती $७.१६ अब्ज असून सध्या ते जगातील ३२९ वे सर्वात श्रीमंत अब्जाधीश आहेत. त्याच वेळी फोर्ब्सनुसार सोरोसची संपत्ती $६.७ अब्ज आहे आणि ते जगातील ३९६ वे सर्वात श्रीमंत आहेत.
अदानींचं टेन्शन वाढलं, स्वतःचेच शेअर्स गुपचूप खरेदीचा आरोप, जाणून घ्या सविस्तर तपशील
बँक ऑफ इंग्लंड बुडाली अन् झाले मालामाल१९९२ मध्ये जॉर्ज सोरोस यांनी करंन्सी व्हॅल्यूएशनमुळे भरपूर कमाई केली. या कालावधीत बँक ऑफ इंग्लंड बुडाली आणि सोरोसने १ अब्ज डॉलरपेक्षा जास्त नफा मिळवला. चलन बाजारातील कोणत्याही गुंतवणूकदाराने केलेली ही सर्वात मोठी कमाई होती. त्याच प्रमाणे सोरोस यांनी मलेशिया आणि थायलंडच्या करंन्सीवर शॉर्ट पोझिशन घेतली आणि बक्कळ पैसा कमावला.
संघर्षमय बालपण
हंगेरीच्या बुडापेस्ट येथे एका ज्यू कुटुंबात जन्मलेल्या सोरोस यांचे बालपण भीती आणि संघर्ष वातावरणात गेले. हा तो काळ होता जेव्हा जर्मन हुकूमशाह हिटलर ज्यूंची हत्या करत होता आणि या हत्याकांडात याच लाख हंगेरियन ज्यूंना आपले प्राण गमावले. अशा वातावरणात सोरोस आपली ओळख लपवून राहिले. १९४५ मध्ये दुसरे महायुद्ध संपले तेव्हा हंगेरीमध्ये कम्युनिस्ट सरकार स्थापन झाले आणि त्यानंतर सोरोसच्या कुटुंबाने देश सोडण्याचा निर्णय घेतला. सोरोस आपल्या कुटुंबासह लंडनला पोहोचले जिथे त्यांनी लंडन स्कूल ऑफ इकॉनॉमिक्समध्ये शिक्षण घेण्याचे स्वप्न साकार करण्यासाठी सोरोस यांनी छोटे-मोठे काम करण्यास सुरुवात केली.
LIC: अदानी-हिंडेनबर्ग वादाचा एलआयसीला सर्वाधिक धक्का, तर या कंपनीने भरली झोळी
१९५६ मध्ये सोरोस वित्त आणि गुंतवणुकीच्या जगाकडे वळले. यासाठी ते अमेरिकेला गेले आणि १९७३ मध्ये ‘सोरोस फंड मॅनेजमेंट’ नावाने एक कंपनी स्थापन केली. अमेरिकन शेअर बाजारात गुंतवणूक करून पैसे कमवू लागले आणि चलन व्यापारी म्हणून प्रसिद्ध झाले. तर १९८० च्या दशकापर्यंत सोरोस एक आघाडीचे उद्योगपती म्हणून ओळखले जाऊ लागले.
राजकारण अन् वादांशी जवळचे नाते
१९९३ मध्ये सोरोस यांनी समाजसेवेच्या उद्देशाने ओपन सोसायटी फाउंडेशन सुरू केले मात्र नंतर सोरोस यांच्यावर या संस्थेच्या माध्यमातून राजकीय अजेंडा चालवल्याचा आरोप करण्यात आला.१९९ मध्ये सोरोसच्या संस्थेने भारतात प्रवेश केला, परंतु २०१६ मध्ये भारत सरकारने देशात या संस्थेच्या माध्यमातून निधी देण्यावर बंदी घातली.
अमेरिकेच्या डेमोक्रॅटिक पक्षाला सर्वात मोठ्या देणगीदारांपैकी जॉर्ज सोरोस एक असून जॉर्ज डब्ल्यू बुशचे सरकार पाडण्यासाठी निधी दिल्याचा आरोपही त्यांच्यावर करण्यात आला. तसेच मोदी सरकारविरुद्धही सतत टीका करतात. अलीकडेच जॉर्ज सोरोस म्हणाले होते की भारत लोकशाही देश आहे, पण पंतप्रधान नरेंद्र मोदी लोकशाहीवादी नाहीत. सोरोस यांनी पंतप्रधान मोदींबाबत अनेक आक्षेपार्ह शब्दांचा वापर केला.
