पोलिसांनी दिलेल्या माहितीनुसार, ‘४५ वर्षीय आरोपी हा बिगारी काम करतो. पत्नी आणि दोन मुलींसोबत तो धानोरीतील मुंजाबा वस्तीत राहतो. आरोपी त्याची मोठी मुलगी दहा वर्षांची असल्यापासून म्हणजे २०१३पासून तिच्यावर बलात्कार करीत होता. हा प्रकार कोणाला सांगितल्यास जीवे मारण्याची धमकी देत होता.
आरोपीने एक सप्टेंबरला रात्री पुन्हा केला. वारंवार अत्याचार होत असल्याने दोन दिवसांपूर्वी मुलीच्या पोटात वेदना जाणवू लागल्या. त्यामुळे मुलीने धाडस करून घडलेला प्रकार शेजारील महिलांच्या कानावर घातला. महिलांनी क्षणाचाही विलंब न करता मुलीला विश्रांतवाडी पोलिस ठाण्यात नेले.
पोलीस निरीक्षक (गुन्हे) रवींद्र कदम यांनी मुलीला धीर दिला. वडील सहा वर्षांपासून अत्याचार करीत असल्याचे तिने पोलिसांना सांगितले. एक महिन्यापूर्वी या आरोपीने त्याच्या चौदा वर्षांच्या लहान मुलीशीही अश्लील वर्तन केल्याचा प्रकार समोर आला. पोलिसांनी आरोपीला अटक केली आहे. आरोपीला अटक केल्यावर त्याची पत्नी पोलिस ठाण्यात दाखल झाली. पोलिसांनी मुलीच्या आईला घडलेला प्रकार सांगितल्यावरही तिने पतीची बाजू घेतली, अशी माहिती पोलिसांनी दिली.
Maharashtra News, Latest Maharashtra News in Marathi, महाराष्ट्र ठळक बातम्या | Maharashtra Times
