जिद्द! शिक्षणासाठी गर्भवतीचा दुचाकीवरून १२०० किलोमीटर प्रवास

घेण्यासाठी अनेक अडचणींवर मात करणाऱ्या विद्यार्थ्यांच्या यशोगाथा आपण नेहमीच ऐकतो. मात्र, गर्भवती पत्नीला परीक्षा देता यावी यासाठी पतीने तिच्यासह १२०० किलोमीटरचा प्रवास दुचाकीवरून केल्याची घटना मध्य प्रदेशमध्ये घडली आहे. धनंजयकुमार (वय २७) आणि (२२) असे संबंधित दाम्पत्याचे नाव आहे. लॉकडाउनच्या काळात सार्वजनिक वाहतूक बंद असल्याचा फटका या दाम्पत्याला बसला आणि जीवावर उदार होऊन त्यांनी नाईलाज म्हणून हे पाऊल उचलले.

सोनी हेंबराम यांना ‘डीएड’ची परीक्षा देता यावी यासाठी पतीने त्यांच्यासह दुचाकीवरून झारखंडमधील गोड्डा जिल्ह्यातील गंटा तोला गावापासून मध्य प्रदेशातील ग्वाल्हेरपर्यंतचा १२०० किलोमीटर पर्यंतचा प्रवास दुचाकीवरून केला. या प्रवासात त्यांनी चार राज्यांच्या सीमा ओलांडल्या. प्रवासात बऱ्याच ठिकाणी जोरदार पाऊस आणि खड्ड्यांचा सामना त्यांना करावा लागला. ‘करोनाच्या प्रादुर्भावामुळे बस, रेल्वे आणि वाहतुकीची अन्य साधने बंद असल्याने आम्ही दुचाकीवरून प्रवास करायचे ठरवले. पत्नी गर्भवती असल्याने सुरुवातीला तिला भीती वाटली. मात्र, माझी इच्छाशक्ती पाहून तिने तयारी दाखवली,’ असे धनंजयकुमार यांनी सांगितले. ते ३० ऑगस्टला ग्वाल्हेरमध्ये दाखल झाले. सोनी यांची परीक्षा ११ सप्टेंबरपर्यंत आहे.

धनंजयकुमार म्हणाले, ‘आम्ही टॅक्सी केली असती, तर ३० हजार रुपये खर्च आला असता. मात्र, दुचाकीमुळे दोन्ही बाजूचा प्रवास केवळ दहा हजार रुपयांत होणार आहे. आम्ही पाच हजार रुपयांत ग्वाल्हेरमध्ये आलो आणि येथे सध्या राहण्यासाठी दीनदयालनगरमध्ये खोली भाड्याने घेतली आहे. २८ ऑगस्टला सकाळी आम्ही प्रवास सुरू केला. मुजफ्फरनगर आणि लखनौ येथे प्रत्येकी एक दिवस मुक्काम केला आणि त्यानंतर तिसऱ्या दिवशी म्हणजे ३० ऑगस्टला ग्वाल्हेरमध्ये पोहोचलो.’ धनंजयकुमार आणि सोनी यांच्या अनोख्या प्रवासाची दखल माध्यमांनीदेखील घेतली असून, प्रवासाचा व्हिडिओदेखील सोशल मीडियावर व्हायरल झाला आहे.

वाचा :

वाचा :

लॉकडाउनमध्ये गेली पतीची नोकरी

धनंजयकुमार यांचे शिक्षण आठवीपर्यंत झाले असून, ते एका केटरिंग सर्व्हिसेसमध्ये आचारी म्हणून काम करायचे. मात्र, लॉकडाउनच्या काळात त्यांची नोकरी गेली. या प्रवासाबाबत सोनी म्हणाल्या, ‘आपल्याला परीक्षा देता येणार नाही, असे मला सुरुवातीला वाटत होते. मात्र, पतीची जबरदस्त इच्छाशक्ती पाहून मला धीर आला. आम्हाला प्रवासात पावसाचा खूप त्रास झाला. मला थोडा तापही होता. मात्र, आता सर्व ठीक आहे. मी परीक्षा देईन आणि त्यात निश्चितपणे निवडून येईन,’ असा मला विश्वास वाटतो.’

आल्या असंख्य अडचणी

प्रवासात बऱ्याच ठिकाणी जोरदार पाऊस, कडाक्याचे उन्ह यांचा सामना दाम्पत्याला करावा लागला. रस्त्यांवरील खड्ड्यांचे आव्हानही होते. मात्र, या सर्व परिस्थितीला तोंड देऊन ते परीक्षेसाठी दाखल झाले. अनेक संकटांमध्ये जिद्द न सोडता धीर धरल्यानेच हे शक्य झाल्याची भावना धनंजयकुमार आणि सोनी यांनी व्यक्त केली.

वाचा :

वाचा :