Rakshabandhan : भावाच्या निधनानंतरही त्याच हातांना राखी बांधते बहीण, अवयवदान झालेल्या तरुणाशी अनोखे बंधअपघातात गंभीर जखमी झाल्याने त्याला रुग्णालयात दाखल करण्यात आले. मात्र त्याचा जीव वाचू शकला नाही. त्याच्या ब्रेन डेड अवस्थेत त्याच्या कुटुंबीयांकडून त्याचे अवयवदान करण्याचा निर्णय घेण्यात आला. त्यानंतर आर्यनचे यकृत आणि दोन्ही मूत्रपिंड गरजू रुग्णांना दान करण्यात आले. वडील एका दैनिकात वरिष्ठ उपसंपादक म्हणून कार्यरत आहेत. आई शिक्षिका आहे. आर्यन त्याच्या मित्रांसोबत बाईकवर निघाला होता. वर्धा रोडवरून जात असताना त्यांना अचानक मागून येणाऱ्या कारने धडक दिली. आर्यन गंभीर जखमी झाला.मित्रांनी त्याला अखिल भारतीय आयुर्विज्ञान संस्था (एम्स), मिहानमध्ये दाखल केले. सलग तीन दिवस त्याच्यावर उपचार सुरू होते मात्र उपचार करूनही त्यांना प्रतिसाद मिळत नव्हता.
एम्सचे वैद्यकीय अधीक्षक मनीष श्रीगिरीवार यांच्या मार्गदर्शनाखाली डॉ. सुचेता मेश्राम, डॉ. ओम शुभम असई, डॉ. उदित नारंग, डॉ. वरिध कटियार यांच्या टीमने आर्यनची तपासणी केली. आर्यन ब्रेन डेड झाल्याची माहिती कुटुंबियांना दिली. या बातमीनंतर त्याचा परिवारात दुःखाचे वातावरण पसरले. एम्सचे प्रत्यारोपण समन्वयक प्रीतम त्रिवेदी आणि प्राची खैरे यांनी कुटुंबाला आर्यनला जिवंत ठेवण्यासाठी अवयवदान करण्याचा सल्ला दिला. त्या दु:खातही वडील आशिष आणि आई स्वाती जोशी यांनी आर्यनचे अवयदान करायचा संमती दिली. विभागीय प्रत्यारोपण समन्वय केंद्र, (ZTCC) नागपूर यांना ही माहिती देण्यात आली.
अपघातात पोलीस हवालदार ब्रेन डेड; कुटुंबाचा अवयवदानाचा निर्णय, तिघांना मिळाले जीवनदान
ZTCC चे अध्यक्ष डॉ. संजय कोलते आणि सचिव डॉ.राहुल सक्सेना यांच्या मार्गदर्शनाखाली प्रत्यारोपण समन्वयक दिनेश मांडपे यांनी प्रतीक्षा यादी तपासून अवयवांचे वाटप केले. आर्यनची किडनी आणि यकृत दोन्ही दान करण्यात आले. न्यू एरा हॉस्पिटलमधील ५६ वर्षीय पुरुष रुग्णाला यकृत दान करण्यात आले, एक किडनी एम्सच्या ४४ वर्षीय पुरुष रुग्णाला आणि दुसरी किडनी एसएसच्या ४३ वर्षीय महिला रुग्णाला दान करण्यात आली.
